Ta med barna og legg norgesferien til Hardanger! Her i regionen finn du ei rekke spanande og barnevennlige opplevingar som passar for heile familien.
Skal du på norgesferie med barn? Den kontrastfylte naturen på Vestlandet og i Hardanger gjev gode rammer for ein kjekk og minnerik tur for absolutt alle. Her finn du et stort utval av morosame og begeistrande opplevingar – alt frå badeland og familieparkar til interaktive utstillingar og gardsbesøk.
Hels på Mikkel, Mikkeline og venene deira i Mikkelparken! Familieparken i Kinsarvik er perfekt for born mellom 1-10 år.
Kom tett på og lær meir om den unike naturen vår på Norsk Natursenter - Hardanger og Folgefonnsenteret. Eller kanskje du vil vera med å mata fiskane på Hardanger Akvasenter eller i Gullfiskvatnet?
Det å kjenna vinden blåsa i håret på ein fartsfylt RIB-safari slår også sjeldan feil blant barna. Er de ekstra heldige, kan de sjå dyr som ørn, niser og spekkhoggarar! Eller kanskje du vil utforska fjorden i roligare omgjevnader? Leig dykk ein kajakk og gli stille forbi den eine fjordperla etter den andre.
Apropos vind i håret. På isbreen Folgefonna kan ein stå på sommarski, og løypene passar for personar i alle aldrar. Du kan også utforska fleire tusen år gammal is på tur med Folgefonni Breførarlag. Utsikta frå restauranten i det splitter nye velkomstsenteret Fonna1199 er perfekt når du vil ha ein velfortent pause.
Kva med å kombinera aktivitet og læring? På Olav H. Haugesenteret, Kraftmuseet og Hardanger Fartøyvernsenter kan barna ta del i fleire spanande og lærerike aktivitetar. Alt frå å laga sin eigen straum til å byggja eigne trebåtar.
Er barna glad i å bada? Då vil me anbefala å sjekka ut dei mange flotte strendene i regionen. Er vêret dårleg, er det nye Hardangerbadet perfekt for både barn og foreldre. Det ligg også vegg-i-vegg med det nye Hardangerfjord Hotel i Øystese.
Dette er berre nokre tips til ein familieferie i Hardanger. Sjå gjerne lista under for andre spanande tilbod.
Norsk Natursenter Hardanger er eit moderne natur- og kulturhistorisk opplevingssenter lokalisert i Øvre Eidfjord.
Kombiner fjellturen med båttur. Båten Halnekongen tilbyr skyss frå Halne Fjellstugu (lokalisert ved rv7) 13 km inn på Hardangervidda fjellplatå. Her får du eit fantastisk utgongspunkt for turar inn i nasjonalparken.
Opplev Vøringsfossen - den mest kjende i heile Noreg! Sjå store vassmengder stupa ned i Måbødalen frå spektakulære utsiktspunkt ved Fossli Hotel, eller gå over sjølve fossen frå den nye gangbrua.
Ein av Noregs største steinfyllingsdammar. Demninga ligg like ved Rv 7 og er lett synleg frå vegen.
Vestlandets største gravfelt frå jernalderen med 350 gravhaugar frå år 400-1000 e.Kr. som er ein del av eit fascinerande kulturlandskap. Kulturhistorisk vegvisar med kart på turistkontoret.
Bli med på en 2,5 timers sightseeing i dramatisk og vakker vestlandsnatur til Norsk Natursenter og Vøringsfossen
Bli med på ei morosam, spennande og fartsfylt oppleving. Best Adventures tilbyr Fun Rafting på elva Bjoreio i Øvre Eidfjord. Denne turen passar for barn frå 7 år, og er ei fin familie aktivitet.
