Ta med barna og legg norgesferien til Hardanger! Her i regionen finn du ei rekke spanande og barnevennlige opplevingar som passar for heile familien.
Skal du på norgesferie med barn? Den kontrastfylte naturen på Vestlandet og i Hardanger gjev gode rammer for ein kjekk og minnerik tur for absolutt alle. Her finn du et stort utval av morosame og begeistrande opplevingar – alt frå badeland og familieparkar til interaktive utstillingar og gardsbesøk.
Hels på Mikkel, Mikkeline og venene deira i Mikkelparken! Familieparken i Kinsarvik er perfekt for born mellom 1-10 år.
Kom tett på og lær meir om den unike naturen vår på Norsk Natursenter - Hardanger og Folgefonnsenteret. Eller kanskje du vil vera med å mata fiskane på Hardanger Akvasenter eller i Gullfiskvatnet?
Det å kjenna vinden blåsa i håret på ein fartsfylt RIB-safari slår også sjeldan feil blant barna. Er de ekstra heldige, kan de sjå dyr som ørn, niser og spekkhoggarar! Eller kanskje du vil utforska fjorden i roligare omgjevnader? Leig dykk ein kajakk og gli stille forbi den eine fjordperla etter den andre.
Apropos vind i håret. På isbreen Folgefonna kan ein stå på sommarski, og løypene passar for personar i alle aldrar. Du kan også utforska fleire tusen år gammal is på tur med Folgefonni Breførarlag. Utsikta frå restauranten i det splitter nye velkomstsenteret Fonna1199 er perfekt når du vil ha ein velfortent pause.
Kva med å kombinera aktivitet og læring? På Olav H. Haugesenteret, Kraftmuseet og Hardanger Fartøyvernsenter kan barna ta del i fleire spanande og lærerike aktivitetar. Alt frå å laga sin eigen straum til å byggja eigne trebåtar.
Er barna glad i å bada? Då vil me anbefala å sjekka ut dei mange flotte strendene i regionen. Er vêret dårleg, er det nye Hardangerbadet perfekt for både barn og foreldre. Det ligg også vegg-i-vegg med det nye Hardangerfjord Hotel i Øystese.
Dette er berre nokre tips til ein familieferie i Hardanger. Sjå gjerne lista under for andre spanande tilbod.
Naturen kaller! Hardanger Basecamp inviterer til naturrelaterte opplevingar og aktivitetar i Osa for familiar og grupper. Bli med «tilbake til naturen» med m.a. demonstrasjon av bållaging og smaksprøving. Ta opplevinga heilt ut med ei overnatting i ei mongolsk "yurt" og lær å lage ild og innhausta mat på bål.
B-Active senteret ligg sentralt i Ulvik og tilbyr alt ein treng for ein fartsfylt, kjekk og aktiv ferie i Ulvik. Mellom anna kan du bli med på guida turar, diverse kurs innan villmarksliv som til dømes kunsten å lage eld, og utforsking av dei gamle tunellane i Osa. Senteret har òg utleige av syklar, kajakkar og båtar.
Kom og lær meir om livet og verka til riksdiktaren Olav H. Hauge. Senteret inneheld omfattande utstillingar der du vert kjent med livsverket hans på ein spennande og interaktiv måte. Finn lyrisk ro på senterets lyrikkbibliotek, poesiverkstad og i kafeen ved fjorden.
