Velkomen til det splitter nye gardsutsalet på Tråagarden
Me er glade for å ønskje deg velkommen til det nye gardsutsalet på Tråagarden – ein lun og sjarmerande plass midt i vakre Eidfjord. Her finn du eit handplukka utval av lokale produkt, heimeproduserte godbitar og sesongbaserte varer rett frå garden.
Høgdepunktet i utsalet er utan tvil Draopar, Eidfjords aller første eplesider. Sideren er laga her på garden med eple frå eigen frukthage, og resultatet er ein lett perlande, frisk og balansert sider som speglar naturen rundt oss.
Tråagarden har salgsløyve for eigenprodusert sider, og Draopar er difor tilgjengeleg eksklusivt i vårt eige gardsutsal – ein ekte smak av Eidfjord, på flaske.
