I sommar har du høve til å oppleva meir kunst, kultur, historie og poesi langs Hardangerfjorden og på Voss – til ein lågare pris.
Folgefonnsenteret, Hardanger og Voss museum, Haugesenteret og Kraftmuseet har til saman 10 ulike museum i regionen. Med Sommarpasset deira vert det rimelegare for deg å besøka musea deira på Voss og i Hardanger.
Slik fungerer det:
Sommarpasset får du utlevert hos det første museet du besøker. Der kjøper du inngangsbillett til full pris, så får du halv pris hos dei andre musea*.
Om du reiser saman med andre, kan du få eitt pass som gjeld for heile familien. Hugs å ta med Sommarpasset, det må du visa for å få halv pris.
Passet kan berre nyttast éin gong per museum.
Sommarpasset får du i perioden 1. mai – 1. september.
HAUGESENTERET
På poesimuseet i Ulvik kan du oppleva dikt og lyrikk i mange former på tvers av språkgrenser. Utstillinga rommar fortellingar knytt til dikt av Olav H. Hauge (1908–1994) og andre verdspoetar, og gir opplevingar for både born og vaksne.
Opningstider: nynorsk.no eller ring 40 43 60 95.
HARDANGER OG VOSS MUSEUM
(Agatunet - Kunsthuset Kabuso - Hardanger fartøyvernsenter - Hardanger folkemuseum -Voss folkemuseum m. fl.)
Opplev alt frå baking i idylliske tun, til båtliv, kunst og fargespel hjå oss. Kle deg ut, bli ein riddar, spikk ein båt og sjøsett den. Dei har aktivitetar for store og små.
Opningstider: hardangerogvossmuseum.no eller ring 40 43 41 00.
KRAFTMUSEET - LILLETOPP - KRAFTLABEN
Lev deg inn i historia i kraftstasjonen i Tyssedal, gå i rallarens fotspor til Lilletopp, og leik deg til læring i vitensenteret i Kraftlaben.
Opningstider: kraftmuseet.no eller ring 53 65 00 50.
FOLGEFONNSENTERET
I den interaktive utstillinga kan du sjå og læra om livet i Hardangerfjorden, naturmangfald, berekraftig bruk av naturressursar og klimaendringar før og no. På senteret finn du også Besøkssenteret for Folgefonna nasjonalpark.
Opningstider: folgefonnsenteret.no eller ring 53 48 42 80.
