I Friluftshovudstaden Ullensvang er vegen mellom store natur- og kulturopplevingar kort.
Det er mykje å utforske i Ullensvang - kommunen som omfattar områda Ullensvang, Odda og Jondal. Her finn du Noregs kanskje største frukthage, rik kulturhistorie, isbreen Folgefonna, siderproduksjon og spanande industrihistorie. I tillegg til nasjonalikonet Trolltunga, kan Ullensvang også skilta med flotte fotturar som Dronningstien, Husedalen og Buardalen.
Ullensvang er Noregs Friluftshovudstad! Kor enn du er i kommunen, vil du vera nær ei stor oppleving i fri luft. Her er alt lagt til rette for både det nære og det spektakulære friluftslivet, og vegen til dei minneverdige naturopplevingane er kort. Uansett om du går til dei høgaste toppane eller sitt på ein benk ved fjorden, kjem du tett på naturen og opplevingar som blir med deg vidare i livet.
Ullensvang har dessutan status som nasjonalparkkommune, og husar både Folgefonna og Hardangervidda nasjonalpark. I tillegg er Jondal er ein av Noregs fem nasjonalparklandsbyar, og er eit godt vertskap for natur- og kulturopplevingar.
Velkomen til konsert med Vamp! I over tre tiår har dei levert songar som går tett på det å vere menneske – om kjærleik og sorg, tru og tvil, havet og livet. Med sitt særprega uttrykk i møtet mellom musikk og lyrikk har Vamp festa seg som ein av dei fremste banda i norsk musikkliv. Med ei imponerande låtsamling, ei rekkje prisar og den kritikarroste utgivinga Tiå det tar, ligg alt til rette for ein konsert fylt med både nye høgdepunkt og kjende favorittar publikum kan syngje med på.
Foredrag med Guttorm Rogdaberg – «Herr Sigurd Brynjulvson, reisande i lov og rett» Guttorm A. Rogdaberg er styreleiar i Stiftelsen Agatunet, statsstipendiat og tidlegare dagleg leiar for Agatunet, eit freda klyngetun...
Velkomen til konsert med Opus 13 og Leif Ove Andsnes! Prisvinnande Opus 13 har på kort tid markert seg som ein av dei mest spanande unge strykekvartettane internasjonalt. Med eit repertoar som spenner frå klassiske meisterverk til nordisk musikk, er dei kjende for sitt samspel, sin energi og sine sterke tolkingar. I denne konserten møter dei ein av verdas fremste pianistar, Leif Ove Andsnes. Med si tekniske briljans og musikalske djupn har han begeistra publikum verda over, og er særleg kjend for sitt sterke engasjement for kammermusikken. Saman skaper dei ei konsertoppleving prega av nærleik, kvalitet og musikalsk samspel på høgaste nivå
Denne sommaren har kommunen lagt til rette for at ein kan vigsle seg ved fleire unike kultur- og naturperler som Agatunet, Folgefonna og Trolltunga.
I Hardanger finn du den mest spektakulære fjellformasjonen i Noreg. Når du står på platået og svevar 700 meter over Ringedalsvatnet, er det lett å forstå kvifor turistar frå heile verda kjem for å oppleva Trolltunga.
Utforsk den sørligaste isbreen i Noreg og ta del i kjekke opplevingar du seint vil gløyma. Folgefonna er eit eldorado for både store og små.
Nokre ting berre passar ekstra godt saman. Slik er det med frukt og Hardanger.
Utforsk Hardanger på ferie med barna! Få gode tips til spanande og barnevennlege opplevingar som passar for heile familien.
Frå sider og eplemost til lammekjøt, spekepølser og syltetøy. Hardanger er ein region med rike tradisjonar når det kjem til mat og drikke.
Opplev fleire hundre tusen frukttre i full blomstring i Hardanger om våren. Eit vakrare syn skal du leita lenge etter.
Fjordsafari med gardsbesøk, privat fjordcruise, fartsfylte ribbåtturar, meditativ kajakkpadling - Med 179 km fjord er det opplevingar i fleng å utforske på Hardangerfjorden.
Odda:
Vekedagar: 09.00 til 15.00
Laurdag - Søndag: 10.00 til 17.00
NB: Ny lokasjon ved busstasjonen - Odda terminal: Smelteverket 33, 5750 Odda.
Kinsarvik:
Ope kvar dag 10.00 - 17.00 frå 18.mai til 02. august.
Jondal:
Ope kvar dag 10.00 - 17.00 frå 20. juni til 30. august.
Røldal:
Ope kvar fra i juni - august frå 10:00 - 17:00
Du kan bruke turist@ullensvang.kommune.no og tlf.: 480 70 777 for alle førespurnader som gjeld Ullensvang kommune.
Odda, Kinsarvik og Jondal:
Telefon: 480 70 777
E-post: turist@ullensvang.kommune.no
Røldal:
Telefon: 973 35 006
E-post: info.roldal@hardangerfjord.com
I sommar har du høve til å oppleva meir kunst, kultur, historie og poesi langs Hardangerfjorden og på Voss – til ein lågare pris.
