Vakre Rosendal er vel verdt eit besøk!
Opplev Rosendal, ei sjarmerande bygd som ligg omkransa av majestetiske fjell og den glitrande Hardangerfjorden. Rosendal er ei perle som byr på store opplevingar innan både natur og kultur.
Hardangerfjordekspressen tek deg fjordvegen frå Bergen sentrum til Rosendal. Reisa i seg sjølv er ei oppleving, der det opne og dramatiske kystlandskapet vil innover fjorden erstattast med høgreiste fjell.
Hardangerfjordekspressen legg til kai i Rosendal, like ved Turistinformasjonen og Folgefonnsenteret. På Folgefonnsenteret kan du sjå og lære mykje spennande om livet i Hardangerfjorden, om Folgefonna nasjonalpark og om klimaendringane. Ein god introduksjon for å oppleve resten av det omkringliggande landskapet.
Du rekk å oppleve mykje på ein dag i Rosendal. Start turen på Folgefonnsenteret, der du og kan få gode tips på Turistkontoret.
Frå kaien er det kort veg til den sjarmerande vesle handlegata Skålagato. Her finn du hyggelege små butikkar og kafèar i hjarta av Rosendal.
Det er og fleire fjellturar som ein kan gå med utgangspunkt i Rosendal sentrum. Om du ynskjer ei utfordring er både Melderskin og Malmangernuten populære turar. Skålafjell, Skjethaug og Myrdalsvatnet er kjekke turar om du ynskjer eit kortare alternativ.
Steinparken i Rosendal er ein kjekk stad å besøke for både liten og stor. Her kan dei minste låna trebåtar. Leik med vatn går aldri av moten.
I Dinosaurhuset i Steinparken finn du forteljingar, utstillingar og filmar om natur- og kulturhistorie. Ute i parken kan du rusla mellom steinblokker i ulike bergartar forma som skulpturar. Men Steinparken handlar om meir enn stein. Her finn du forteljingar om historia til Livet på Jorda, menneska si historie, Vikingskatten frå Hatteberg.
Ta ein pause på den hyggelege kaféen og utforsk butikken med smykkesteinar, fossilar, skattekister og mykje meir.
Baroniet Rosendal er hovudattraksjonen i Rosendal, og er kjend for å ha eit rikhaldig kulturprogram om sommaren. Kombiner gjerne turen til Baroniet Rosendal med konsert og middag, og få ei oppleving du seint vil gløyme
I Rosendal Have finn du den praktfulle Rosehagen.
Det kvitkalka slottet og fjella i bakgrunnen, er eit vakkert syn for alle som kjem for å oppleva slottet, hagen og landskapet
Hagen er bygd opp over fleire hundre år med skiftande stilretningar og motar innanfor hagekunsten. Her kan du oppleva over 300-år med hagehistorie!
Set gjerne av nok tid til å nyte ein god lunsj i Rosendal Havecafè og Butikk
Bli med på ei spennande oppleving utanfor Rosendal på det innovative visningssenteret Salmon Eye. Dette inspirerande senteret har som mål å informere og motivere oss til å sikre verdas matbehov gjennom berekraftig havbruk.
Turen startar i Rosendal, der du går om bord i ein av dei heilelektriske båtane Malm eller Melder. Desse båtane tar deg med på ei reise mot Salmon Eye, som ligg på nordsida av Snilstveitøy.
For å få oppleve dette, må du bestille på førehand, og tilgjengelege datoar finn du HER.
Bli med på å utforske framtida for berekraftig matproduksjon og la deg inspirere av Salmon Eye!
Hardangerfjordekspressen tek deg med frå Bergen til Rosendal, der du kan besøke Baroniet med sin storslåtte rosehage, verdas største kunstinstallasjon Salmon Eye, få med deg interaktive utstillingar på Folgefonnsenteret,...
Folgefonnsenteret er tilknytt Folgefonna Nasjonalpark og inneheld moderne, interaktive utstillingar med tema som geologi, klima, vatnet sin syklus og livet i Hardangerfjorden. Folgefonnsenteret er lett tilgjengeleg med e...
Baroniet Rosendal er det einaste baroniet i Noreg og Skandinavias minste slott. Baroniet ligg sentralt i Rosendal og er kjent for sitt rike kulturprogram og sin rosehage.
Steinparken ligg sentralt i Rosendal og er eit av besøksmåla til Folgefonna Nasjonalpark. I parken er det ei samling av forskjellige steinarter frå regionen og utstillingar med prehistorisk tema.
Lær meir om havnæringa hjå Salmon Eye, verdas største flytande kunstinstallasjon som ligg midt ute på Hardangerfjorden. Her serveres det også 18-retters smaksmeny hjå restaurant Iris.
Malmangernuten, Melderskin, Bondhusvatnet og Ulvanosa. Kvinnheradsfjella er noko for seg sjølv. Her i kommunen finn du nemleg fleire av dei mest populære og spektakulære fotturane i heile landet.