Opplev fleire hundre tusen frukttre i full blomstring i Hardanger om våren. Eit vakrare syn skal du leita lenge etter.
Våren er verkeleg spektakulær i Hardanger. Ikkje nok med at fossane og kontrastane i naturen kanskje er på sitt største, men dette er tida når alle frukttrea i regionen vaknar til liv. Med grøne bakkar, snødekte toppar og buldrande fossar, har du den perfekte ramma for å nyta fruktblomstring i Hardanger. Men når på året skjer det eigentleg?
Svaret på dette spørsmålet endrar seg frå år til år. Blomstringa startar som regel i midten av mai og varar i om lag éin månad. Når det er sagt, er dette noko som varierer stort. Temperaturen tidlegare på våren speler ei stor rolle, så nokre år byrjar blomstringa allereie i april. Eit godt tips er å ta kontakt med dei lokale turistkontora i Hardanger for meir nøyaktig informasjon om blomstring i Hardanger.
Det er ingen feil måte å oppleva blomstringa i Hardanger på. Det er likevel nokre plassar som har fleire frukttre enn andre. Eit godt tips er fruktbygda Ulvik med den einaste frukt- og siderruta i Noreg. Her finst det også fleire gode overnattingsalternativ for dei som ynskjer fleire dagar i regionen.
Ein kjem heller ikkje utanom Sørfjorden. Denne delen av regionen har svært mange frukttre, og langs vegen kjem du svært tett på den eine frukthagen etter den andre. Spesielt Lofthus og langs Nasjonal Turistveg Hardanger skil seg ut som plassar ein bør oppleva under bløminga. Også her har ein fleire gode overnattingsalternativ i alle budsjettklassar.
Frukt- og siderruta i Ulvik forbinder fruktgardane Ulvik Frukt & Cideri, Syse Gard og Hardanger Saft- og Siderfabrikk. Dette er ei lett spasertur frå Ulvik sentrum, og du kan vitja gardane som ligg langs ruta. I tillegg ...
Fruktstien. Idyllisk kulturlandskap for alle Startpunkt Fruktstien kan ein lett koma seg på frå mange plassar: Lofthus Camping, Hotel Ullensvang, Ullensvang Gjesteheim, Hardanger Vandrarheim, og ved daglegvarebu...
Nasjonal turistveg Hardanger tar deg med gjennom eit mektig fjordlandskap. Undervegs kjem du tett på fjord, fjell, fossar og frukthagar.
Det er fyrst på seinsommaren og hausten du kan kjøpa frukt direkte frå gardane eller på gardsmatbutikkane. Men det betyr ikkje at du ikkje får tak i lokalproduserte delikatesser også om våren. Då har nemleg gardane ganske fulle lager av eplemost og sider frå Hardanger. Eit godt tips er difor å ta turen innom ein eller fleire fruktgardar når du fyrst er i regionen.
Rett ved fjordkanten i Ulvik ligg Brakanes Hotel idyllisk til og nære attraksjonar og opplevingar i Hardangerfjord regionen. I gangavstand frå hotellet finn du for eksempel frukt- og siderruta med besøksgardar og Olav H....
Midt i Noregs største frukthage ligg Hotel Ullensvang idyllisk ved kanten av Hardangerfjorden i Lofthus. Her kan du ikkje berre nyta vakre rom med fjordutsikt og god mat i restauranten men også badstua med panorama blikk...
Det historiske hotellet Utne Hotel frå 1722 har vore i kontinuerleg drift sida det. Hotellet har berre 17 rom, der alle har individuelt, historisk interiør med særpreg og sjarm. Hotellet er perfekt for deg som ser etter ...
Har du prøvd dei edle dråpane frå Hardanger? Les meir om korleis du kan oppleva sider frå Hardanger og læra meir om produksjon, kultur og historie!
Sjå alle