Opplev Hardanger frå fjorden, bli med Hardanger Fjordcruise på tokt og sjå fossefall frå bratte fjellsider og smake fjordarmar der ein ikkje kjem til med bil.
Booking
Få kjenner Hardangerfjorden betre enn Hardanger fjordcruise med den lokale kapteinen Kurt i spissen. Han har to båtar (Pilagutt og Pilajente) og plukkar deg opp på avtalt plass i Hardanger-regionen og syrgjer for ei fantastisk kjekk oppleving på fjorden.
Fossefallsafari i mektige Botnen, den smalaste fjordarmen i Hardangerfjorden omkransa av fjell på omlag 1000 meters høgde med fossar som på spektakulært vis kastar seg ned frå fjellsidene. Eller kva med eit cruise gjennom den kanskje flottaste fjorden i Noreg om ein skal tru tilbakemeldingane Kurt har fått så langt? Alternativa er mange, og om bord Pilagutt er det du sjølv som vel kva du vil oppleva.
M/S Pilagutt og Pilajente har plass til 11 personar og tilbyr fleksible opplegg for både individuelle og grupper. Anten det er familie-, jobb- eller vennetur – du vil garantert finna noko som passar deg. Dei 34 fot lange Viknes-båtane har høgt sete som gjer at du - uansett vêr eller vind - vil ha god utsikt langs heile turen. Båten har og gode sitje- og spisemoglegheiter – inne som ute.
PS: Ikkje la dårleg vêr stoppa deg! Regnfulle dagar kan ein nemleg rekna som positivt: Vatnet og krafta i fossane er langt meir spektakulær, og er du av den overtruiske sorten, veit ein også at fiskelykka er best i dårleg vêr.
