Ein samproduksjon mellom Den Nationale Scene i Bergen og Baroniet Rosendal. August Strindbergs klassiske drama Frøken Julie (1888) er i denne versjonen flytta til Baroniet Rosendal. Handlinga er lagd til sankthansnatta, der grevedottera Julie og tenaren Jean møtest på baroniets kjøken – to menneske frå ulike samfunnslag som aldri skulle ha kryssa kvarandre sine vegar. Når natta skrid fram, blir grensene mellom dei gradvis viska ut: mellom klasse og makt, kontroll og avmakt, og mellom kven dei er og kven dei ønskjer å vere. Samstundes står Kristin, forlova med Jean, som eit vitne til eit spel ho ikkje kan gripe inn i. Frøken Julie er ei sterk og intens historie om begjær, makt og menneskelege grenser – og om kva som skjer når alt dette bl
Booking
Ein samproduksjon av Den Nationale Scene og Baroniet Rosendal
AUGUST STRINDBERG sitt ikoniske stykke FRØKEN JULIE frå 1888 er i denne versjonen lagt til BARONIET ROSENDAL.
Baronen si dotter Julie har hatt ein turbulent oppvekst på Baroniet.
Det er sankthansnatt på Baroniet. På baronikjøkenet møtast greven si dotter Julie og tenaren Jean, to menneske frå kvar si verd som aldri skulle ha nærma seg kvarandre. Når natta dreg ut, glir grensene mellom dei gradvis ut av form: mellom overklasse og tenarskap, mellom makt og avmakt, mellom kven vi er og kven vi lengtar etter å vere.
Julie er adelsdottera som alltid har prøvd å sprengje rammene rundt seg. Jean er tenaren som ser etter kvar einaste moglegheit til å ta eit steg opp. På kjøkenet er også Kristin, forlova med Jean og bunden av plikt. Mellom Julie og Jean veks eit spel som dreg i dei frå fleire kantar – tiltrekking, stoltheit, underkasting og kampvilje – og Kristin blir vitne til noko ho ikkje kan stogge.
