Galleri Polden
Lars Gunnar Polden (f. 1951) er biletkunstnar med atelier og galleri i Osa i Ulvik. Han arbeider med måleri, grafikk og pastell, og har gjennom fleire tiår henta inspirasjon frå naturen, lyset og landskapet i Hardanger. Polden har stilt ut ei rekkje stader i Noreg, og verk av han er innkjøpte av mellom anna Norsk kulturråd og offentlege institusjonar. Han har vore busett i Osa sidan 1991. Det er no etablert ei permanent salsutstilling med eit utval av Lars Gunnar Polden sine verk i same lokale som Ulvik Turistinformasjon. Utstillinga er open i turistkontoret sine ordinære opningstider. Gratis inngang.
