Natur, kultur og fargerike eventyr i Rosendal
Hausten i Rosendal er tida for å senke skuldrene, komme i kontakt med naturen og fordjupe dykk i den lokale kulturen. Enten de er naturentusiastar, kulturinteresserte reisande eller matelskarar, vil Rosendal omfamne dykk med sin haustmagi. Så pakka godt med klede, ha kameraet klart, og lat dykk forføre av alt denne nydelege bygda har å by på i haustsesongen. Velkomne til Rosendal – der hausten blir til ei uforgløymeleg oppleving, med mange aktivitetar du kan finne på både utandørs og innandørs.
Med Hardangerfjordekspressen kan du reise direkte frå Bergen sentrum til Rosendal, og du treng ikkje bil for å oppleve Rosendal sine tilbod.
Sjå HER korleis du kan kome deg til Rosendal på andre måtar.
Det er fleire overnattingsmoglegheiter i Rosendal, om du ynskjer hotell eller hytter. Rosendal Fjordhotell ligg idyllisk til med flott utsikt over fjorden. Rosendal Turisthotell er eit sjarmerande hotell ved kaien, med kort avstand til det meste. Andre overnattingsmoglegheiter kan du finne HER.
Rosendal har fleire restaurantar og kafear, med tilbod for kvar ein smak. Om du ynskjer lunsj, middag og kanskje eit musikalsk innslag utover kvelden kan du finne dette i Rosendal. HER finn du oversikt over tilboda.
Enten du er ein erfaren fjellvandrar eller nybyrjar, vil Rosendal sine stiar ta deg med på ei inspirerande reise gjennom naturen. Ta ein andaktsfull pause, nyt stillheita, følg stiane og la deg fortrylle av haustens vakre fargar. Rosendal ventar på deg med sitt fredfulle fjellandskap – det perfekte staden for haustlege fjellopplevingar.
Gode alternativ med utgangspunkt i Rosendal sentrum er turstien rundt Hattebergfossen, Malmangernuten, Skjethaug, eller ein tur inn til Myrdalsvatnet. Turistkontoret leiger ut robåt, med tilgjengelege fiskegarn, så her er det og mogleg å nyte ein lunsj i det fri med eigen fangst.
Utleige av robåt, garn og redningsvester i Myrdalsvatnet. Nøkkel får du hos Turistinformasjonen i Rosendal. Pris kr 300 for eit døgn.
Turen til Malmangernuten, som tar omlag 4 timar totalt, kan startast frå Rosendal Fjordhotel i Rosendal sentrum. Toppen ligg på 890 meter og her har du flott utsyn over Rosendal og nabobygdene samt Hardangerfjorden.
Stad Rosendal. Turomtale Frå P-plassen ved kyrkja 500 m til Bjørke. Grusveg utan merking 1,5 km til Åsvodl der vegen flatar ut. Skilt her viser til T-merking. Først skogsveg 300 meter og deretter sti opp lia til...
Ynskjer du ei kulinarisk oppleving der andre står for både råvarer og produksjon kan du bli med på expedition dining på Restaurant Iris. Her kan du få ei unik oppleving på Salmon Eye og få ein smak av dei lokale råvarene området kan by på.
For meir kunnskap om området rundt Rosendal, Hardangerfjorden og Folgefonna Nasjonalpark er Folgefonnsenteret vel verdt eit besøk. Her vil den interaktive utstillinga ta deg gjennom vatnet si reise på jorda, klimaendringar, naturmangfald og berekraftig bruk av naturressursar.
Steinparken i Rosendal er ekstra vakker om hausten. Når trea skiftar farge, blir parken eit magisk plass med raud, gul og grøn prakt. Du kan gå på flotte stiar og nyte den stille hauststemninga. Ute i parken kan du rusle mellom steinblokker i ulike bergartar, forma som skulpturar.
Hausten kjem til Rosendal og forvandlar den majestetiske hagen ved Baroniet Rosendal til eit fargespel. Slottet held stengt, men hagen blir ei flott oppleving i seg sjølv. Dei fargerike blada gjer hagen ein ny karakter, og du kan spasere mellom trea med dei omliggjande fjella som selskap.
Vårt tips er å starte helga med ein forfriskande dukkert i fjorden, dette er godt for kropp og sjel heile året! Dei fleste overnattingsstadene ligg like ved fjorden, og dermed eit godt utgangspunkt for eit bad.
