Opning av Hardanger Badstovefestival, på Prestakaien i Ulvik fredag 24. april kl. 18. På fjorden ligg Hardanger Flytebadstu og byr på Torkjell med hallingdans og overraskingar. Dei dyktige damene i «Songria» syng ved Laugarstovo og karane i «Kor so helst» lovar nyskriven badstovesong, Opningsfesten er open for alle - store og små, badeentusiastar og landkrabbar. Festivalen inviterer bygdefolk og tilreisande til å feira våren i tri heile dagar med sosiale opplevingar, saunakultur, musikk, lokal mat og drykk. Bli med og ta del i eit inkluderande og entusiastisk fellesskap!
