Velkommen til Eidfjord og opplevingar du vil hugse. Anten du vil ha rolege, aktive eller spennande dagar - her finn du natur, kultur og eit rikt mangfald.
Her får du ekte matopplevingar blanda med kultur og tradisjonar, og gjestfrie menneske. Du vel sjølv om du vil ha eit aktivt friluftsliv med naturopplevingar ved fjorden eller i fjellet, det verkelege fjellfolket sitt rike. Ved fjorden kan du nyte sol, varme og badeliv.
Eidfjord er unik. Freistande. Her er det berre 30 minuttar frå vakre, varme Hardangerfjorden til villmarka i 1250 meters høgde på Hardangervidda. Her kjem du tett på naturen, kulturen og menneska. Ekte, friskt, mangfaldig og gavmildt frå naturens side. Difor ser vi spor etter menneske 4000 år tilbake og difor har Eidfjord og Vøringsfossen vore eit av Norges mest attraktive reisemål i over 100 år. Det er lett å la seg begeistre av Eidfjord og Hardangervidda. Her finst mulegheiter for store og små.
Opning av Hardanger Badstovefestival, på Prestakaien i Ulvik fredag 24. april kl. 18. På fjorden ligg Hardanger Flytebadstu og byr på Torkjell med hallingdans og overraskingar. Dei dyktige damene i «Songria» syng ved Laugarstovo og karane i «Kor so helst» lovar nyskriven badstovesong, Opningsfesten er open for alle - store og små, badeentusiastar og landkrabbar. Festivalen inviterer bygdefolk og tilreisande til å feira våren i tri heile dagar med sosiale opplevingar, saunakultur, musikk, lokal mat og drykk. Bli med og ta del i eit inkluderande og entusiastisk fellesskap!
Mellom Flammar og Fjord, Hardanger er heitare enn du trur! les meir på https://www.hardangerbadstovefestival.no/
Laurdag Elvatun Kl 20 kr 300,- Fest med konsertar og basar - for landkrabbar og badeentusiastar Kl. 20 - 101 guitarras Basar med flotte premiar Kl 21 - Kor so helst Kl 22 - Undergrünnen Undergrünnen miksar 60-tals psykedelisk rock, afrobeat, new wave og pop, løfta av Pål Jackmans sviande eksistensielle tekstar. Bandet har vore Spellemann-nominert for begge dei tidlegare albuma og er kjende for livekonsertar som set både dansefoten og taket i sving. 101 Guitarras Rolf Tore Djønne og Lars Magnus Nordtveit – begge med sterk tilhøyrsle til Ulvik og glade heilårsbadarar, spelar saman med Vidar Seim frå Granvin og Roald Torkildsen busett i Bergen. Bandet skaper eksperimentell, improvisert musikk med ei uhøgtideleg og leiken stemning.
Mulegheitene er mange i Eidfjord om vinteren
Sysendalen og Hardangervidda er eit eldorado for skientusiastar og alle som er glade i fjellet. Kvista løyper er det mange av og ved påsketider er dei fleste hyttene inne på fjellet åpne for servering og overnatting.
Kva med ei langhelg i Eidfjord? Her er forslag til fleire dagar med opplevingar for barnefamiliar.
Kva med ei langhelg i Eidfjord? Her er forslag til fleire dagar med opplevingar for den godt vaksne.
Mest populære "Insta spots" i Eidfjord
Oppdag sjarmen til Eidfjord på ein regnværsdag mens du utforskar ei rekkje innandørs attraksjonar, nyter lokale delikatesser på koselege kafear, eller fordjuper deg i den rike kulturarven til Eidfjord
