Den fine hausten i all si fargeprakt er her, og du er invitert!
Med berre ein halvtimes køyring mellom, ligg alt til rette for gode og nære opplevingar. I tillegg til eit variert haustferieprogram, kan du legga ut på korte og lengre turar i verdskjend natur, besøka Norsk natursenter og Olav H. Haugesenteret, rusla mellom gardane på Frukt-og siderruta og handla i gardsutsala, og mykje meir. Noko for heile familien.
Med utgangspunkt i Eidfjord og Ulvik har du tilgang til eit eldorado av vakker vestlandsnatur og godt merka turløyper, både til godt kjende stadar som Dronningstien, Kjeåsen og Oksen, men og til andre turperler som Ossete, Midtfjell og Kristinuten.
18.september opnar siste byggetrinnet ved Vøringfossen – det mest kjende fossefallet i landet. Her får du ei spektakulær utsikt over det 182 meter lange fossefallet, og du kan gå over fossen på trappebrua, noko som gir ei heilt vill oppleving. Du vil fort skjøna kvifor dette er ein av landets mest populære naturattraksjonar.
Du finn eit godt utval av overnattingsstader å velja mellom i begge bygdene, alt frå camping og glamping til tretopphytter, pensjonat og hotell.
Sjå også:
