Stjernekamp-finalisten dePresno blir første artist i den andre sesongen til Rosendal Kultur. Søndag 21. september 2025 kjem han til Gurinefjøra i Rosendal, for å halde intimkonsert i Nyasago. Billetter til konserten...
Stjernekamp-finalisten dePresno blir første artist i den andre sesongen til Rosendal Kultur.
Søndag 21. september 2025 kjem han til Gurinefjøra i Rosendal, for å halde intimkonsert i Nyasago.
Billetter til konserten kjøper de på https://tikkio.com/events/56391
Sist gang dePresno spelte i Rosendal var han ein av headlinerne på Vidsyn Musikkfestival. No kjem han tilbake til oss, i eit heilt anna format. No blir dePresno aleine på scena, i intime og lune Nyasago.
Dette blir intimt og eksklusivt, og garantert eit minne for livet.
dePresno har i et tiår vore ein av Norges mest særegne popstemmer. Med sin djupe, sjelfulle vokal og sterke historiefortelling balanserer han det emosjonelle med det underhaldande på ein måte få andre gjer. Han lagar musikk som kan få deg til å grine av sorg den eine augeblinken – og le så du grin den neste.
På scena viser dePresno verkeleg kvifor han er i ein klasse for seg sjølv. Hans sjølvironiske vesen, unike evne til å fanga publikum og sterke nærvær gjer kvar konsert til ei oppleving.
Våren 2025 har han tatt steget inn i TV-ruta som deltakar i "Stjernekamp", der han har fått vise sin allsidighet som artist og tolka ulike sjangrar langt utanfor sitt vante popunivers. No står han attpåtil igjen som ein av finalistane i årets sesong!
Uansett om han står på ei lita klubbscene eller eit stort festivalområde, leverer dePresno alltid ei konsertoppleving som sit i lenge etter siste tone er spelt.
Konserten i Nyasago i Rosendal blir ingen unntak. Dette må opplevast.
