Utforsk den sørligaste isbreen i Noreg og ta del i kjekke opplevingar du seint vil gløyma. Folgefonna er eit eldorado for både store og små.
Folgefonna, som er den tredje største isbreen på det norske fastlandet, er sjølve kjerna i Folgefonna Nasjonalpark. Breen har faktisk vore ein attraksjon og «reason to go» heilt sidan verdspublikumet fekk augo opp for Hardanger på midten av 1800-talet. Interessa har ikkje vorte mindre med åra.
Dei siste åra har fleire aktørar satsa på aktivitetar på og rundt isbreen, og no kan du ta del i fleire kjekke opplevingar som passar for heile familien. Kva med å utforska bresprekker og fleire tusen år gammal is med Folgefonni Breførarlag? Deira dagstur med guide på Juklavassbreen er ei oppleving du seint vil gløyma og passar for folk mellom 7 – 80 år. Turen vert nemleg tilpassa til ulike nivå og ynskjer.
For å koma deg på blåis-tur, køyrer du langs den 19 kilometer lange Glacier Road frå Jondal sentrum til brekanten av Folgefonna. Dette er ei gjev oppleving i seg sjølv. Opplev dei store kontrastane i naturen langs vegen som bind saman opplevingane i Jondal Nasjonalparklandsby.
På toppen ligg blant dei mest populære sommarskisentra i verda. På Fonna Glacier Ski Resort finn du alpinløyper for heile familien, freestylepark, langrennsløyper og moglegheit for trugeturar. Opplev sommar i vinterland med fantastisk panoramautsikt over breen, Hardangerfjorden og Nordsjøen – 1450 meter over havet.
Viss du ikkje vil stå på ski, vil ha ein pause frå bakken eller nyta eit godt måltid, må du ta turen innom Fonna1199 – det nye velkomstsenteret på Folgefonna. Her er det restaurant og kafé med lokale råvarer, servicefasilitetar og sal av suvenirar – berre eit steinkast unna brekanten.
Når ein fyrst er inne på kjekke opplevingar, kjem du ikkje utanom Nasjonalparkgården på Buer. Som eit ideelt startpunkt for turar til både Buarbreen og Reinanuten, har Buer vore eit ynda reisemål så lenge det har vore turistar i Hardanger. På garden kan borna også helsa på blant anna høylandsfe, sauer og høns. Det er satt opp bord og benker med mogelegheit for rast fleire plassar på garden. Med andre ord ein perfekt plass for familien!
Bondhusvatnet nær Sundal i Kvinnherad kommune er eit ynda turmål og turen til brevatnet er blant dei mest populære fotturane i Hardanger regionen. Turen er lett og kort, og du kan gå den nærmast heile året.
Startpunkt Buer i Odda. Kjør av fra RV 13, følg skilt til Buer. Køyr til bommen og parkeringa ved enden av vegen. Om løypa Denne turen går stort sett langs elva heile vegen opp til breen. Nokre stader må du krys...
Opplev reiselivsikonet Fonna1199 på toppen av isbreen Folgefonna! Det nye velkomstsenteret, med si unike arkitektoniske utforming, ligg berre eit steinkast unna sjølve isbreen.
Utforsk Folgefonna nasjonalpark med varierte aktivitetar: Bli med på bretur på Juklavassbreen eller prøv breklatring mellom Botnabreen og Jordalsbreen. Nyt kajakkpadling på fjorden eller kombiner det med breopplevingar.
Folgefonnsenteret er tilknytt Folgefonna Nasjonalpark og inneheld moderne, interaktive utstillingar med tema som geologi, klima, vatnet sin syklus og livet i Hardangerfjorden. Folgefonnsenteret er lett tilgjengeleg med ekspressbåt frå Bergen.
Ein unik padletur mellom isfjell og mektig natur inn til Folgefonna isbre. Bli med på brekajakk og opplev isbreen det krystallklare på tett hald.
Familievennlig brevandring med guide på Buarbreen i Hardanger. Bli med på ei kjekk oppleving beståande av isbre, fjellformasjonar og Nasjonalparkgården i Odda.
Opplev blåis på Folgefonna! Folgefonni Breførarlag tar deg med til Juklavassbreen, ein bretur med panoramautsikt over fjord og fjell. På denne brearmen er det både spennande bresprekker og flat is.
Nasjonalparkgården på Buer er Odda Kommune sin innfallsport til Folgefonna Nasjonalpark. Som eit ideelt startpunkt for turar til både Buerbreen og Reinanuten, har Buer vore eit ynda reisemål så lenge det har vore turistar i Hardanger.
Turen langs Blåelva er ei vandring i mektig fjell- og vassdragsnatur. Gjennom irrgrøne beiteområde, langs sandbankar og blankskurt berg, før vi etter kvart møter den majestetiske isveggen. Gjennom store breportar fløymer vatnet ut, til nytte for eit energikrevjande storsamfunn.
