Frå sider og eplemost til lammekjøt, spekepølser og syltetøy. Ta turen til heile Noregs frukthage, dra på gardsbesøk og nyt edle dråpar, lokalmat og kultur i Hardanger-regionen.
Det er travle dagar i Hardanger for tida, og det på ein god måte. Hausten er nemleg høgsesong for poteter, gulrøter, plommer og ikkje minst eple. I skrivande stund vert frukt frå hundretusenvis av epletre hausta, pressa og tappa. Denne hausten er blant dei beste fruktsesongane i Hardanger nokon sinne, og fruktbøndene har opplevd eventyrlege, om ikkje historisk, gode avlingar.
Epla og mosten får du kjøpt direkte på gardane og andre utsal med lokale råvarer. Sideren, dei kanskje edlaste dråpane, er klar for å nytast nokre veker fram i tid. Med heile åtte siderprodusentar og eit rikt utval av sider, frukt og lokalmat i Hardanger, vil du garantert finna noko som passar deg! Gardsbesøk, «Sider frå Hardanger», gardsutsal, smakfull lokalmat og kjekke folk er uansett noko du bør oppleva.
Aga Sideri ligg idyllisk ved Sørfjorden i Ullensvang. Her produserer dei Sider frå Hardanger som du kan smaka og kjøpa i samband med ei omvising og gardsbesøk på Aga.
I gardsmatbutikken i Øystese sentrum får du kjøpt varer laga både av lokale og andre norske små og mellomstore produsentar. Her er det mellom anna tradisjonsbakst, fruktsaft, sider, syltetøy, honning, kjøt- og spekemat i hyllene.
Spildegarden i Øystese har produsert sider og eplemost i fire generasjonar. Her kan du smaka på prisbelønte produkt, lokale råvarer og oppleva eplesiderens kulturhistorie i vakre omgjevnader.
Åkre Gard i Hardanger har produsert frukt i åtte generasjonar, no med fokus på eplemost, brennevin og prisvinnande sider under merkevara Edel Sider.
Store Naa Siderkompani er ein prisvinnande produsent av eplemost og Sider frå Hardanger. Idyllisk plassert på den familiedrivne garden på Nå i Sørfjorden.
Frukt- og siderruta i Ulvik forbinder fruktgardane Ulvik Frukt & Cideri, Syse Gard og Hardanger Saft- og Siderfabrikk. Dette er ei lett spasertur frå Ulvik sentrum, og du kan vitja gardane som ligg langs ruta. I tillegg til omvisingar med smaksprøvar, har gardane har utsal av produkta sine - inkludert sider.
Kjøp, smak og nyt eplemost & sider frå Hardanger hjå Helleland Gard på Lofthus. På garden kan du også booka deg sidersmaking med ost og spekemat.
Omkransa av bratte fjell, Hardangerfjorden og Folgefonna, ligg Alde Sider idyllisk til på Bleie Gard i Sørfjorden. Saft- og siderprodusenten som i 2018 blei kåra til den beste i Noreg, sel dei edle dråpane frå både garden og Vinmonopolet.
Fruktgarden inviterer inn på smakfulle skattar frå produksjonsrommet; mellom anna inviterer Hardanger Saft- og Siderfabrikk inn på smaking av sider, most, likør og brennevin av eple. Omvisingar for store og små grupper kan bestillast, og gardsbutikken bugnar av smakfulle delikatesser.
Epli Sideri produserer eplemost og sider fra kvalitetseple i Hardanger.
Syse Gard i Ulvik byr på smakfulle opplevingar med sider, frukt i mange fasongar og tradisjonelt foredla lammekjøt. Eigen gardsbutikk og kafé om sommaren.
Ulvik Frukt & Cideri er den fyrste av tre gardar langs den einaste frukt- og siderrruta i Noreg. Garden byr på omvisingar og lokale smakar i form av eplesaft, sider og andre smakfulle gleder.
Fruktstien. Idyllisk kulturlandskap for alle Startpunkt Fruktstien kan ein lett koma seg på frå mange plassar: Lofthus Camping, Hotel Ullensvang, Ullensvang Gjesteheim, Hardanger Vandrarheim, og ved daglegvarebu...
Opplev fjorden, fjella, Folgefonna, fossar, dyreliv og kulturen i Hardanger på ein guida RIB-tur med Trolltunga Active frå Odda. Kan kombinerast med sidersmaking for dei som ynskjer.
