Jon Fosse, Nobelprisvinnaren frå Strandebarm i Kvam Herad, er eit bevis på regionens rike litterære arv. Besøk Hardanger-regionen og kjenn på inspirasjonen som forma storverka hans.
Når ein tenkjer på Hardanger, tenkjer ein kanskje fyrst og fremst på majestetiske fjordlandskap og frodige frukthagar som blomstrar. Men Hardanger har òg fostra blant Noregs mest kjente forfattarar. I 2023 vart Jon Fosse frå Strandebarm tildelt den prestisjetunge Nobelprisen i litteratur.
Frå Strandebarm og ut i verda
Strandebarm er meir enn berre ei lita perle i Hardangerfjorden – det er òg staden som har gjeve oss den unike stemma til Jon Fosse. Her har han henta inspirasjon, og herifrå har han spunne trådar som strekk seg ut til heile verda gjennom ord og setningar. Og når ein besøker Strandebarm, er lett å forstå at den idylliske bygda har inspirert Fosse og andre forfattarar.
Ved å besøka Strandebarm og Hardanger, kan ein kjenna den same vinden, sjå dei same fjella og forstå litt meir av kva som ligg bak orda til den ferske Nobelprisvinnaren.
Fosse-huset: Ein hyllest i heimbygda
I heimbygda Strandebarm, nærare bestemt på Fosse, finn du Fosse-huset. Gjennom heile året vert det arrangert ulike kulturarrangement nettopp her, alt med det formål å fremja og feira forfattarens unike stemme og bidrag til litteraturen. For dei som ynskjer ein nærare titt på Fosse sitt liv og verk, er eit besøk i Fosse-huset noko å anbefala. Her kan ein verkeleg kjenna på den tette tilknytinga han har til Strandebarm og Kvam Herad i Hardanger.
Hardanger: Eit litterært landskap
Det er ikkje berre Jon Fosse som har latt seg inspirera av den mektige naturen i Hardanger. Lenger inne i fjorden, nærare bestemt i Ulvik, finn ein spor etter ein annan kjend nynorskforfattar. Olav H. Hauge har òg satt djupe spor i norsk litteraturhistorie, og for dei som vil dykka djupare inn i Hardangers litterære sjel, er eit besøk til Haugesenteret ei gullgruve av inspirasjon.
Besøk Hardanger og trå i forfattaranes fotspor
For alle som vil oppleva den unike kombinasjonen av natur og kultur, er Hardanger staden å besøka. Enten du er turist på leit etter vakre landskap, eller ein litteraturelskar som vil kjenna på inspirasjonskjelda til nokre av våre største forfattarar, finn du det her i regionen.
Trekk pusten djupt inn og kjenn på den friske lufta i Hardanger. Kanskje kan du òg kjenna ein liten bit av den magien som har inspirert både Fosse og Hauge i deira skriving?
Og for deg som vil utforske meir av Kvam Herad, Strandebarm og Hardangers mange skattar, ta ein kikk her for meir inspirasjon, overnattingstips og aktivitetsforslag. Alternativa er mange!
La deg inspirera av den magiske naturen i Hardanger, slik som våre store forfattarar har latt seg inspirera. Velkommen til eventyrlege Hardanger!
Opplev levande maritim historie på Hardanger Fartøyvernsenter med opne verkstader og kjekke familieaktivitetar.
Hardanger Skyspace er eit av dei kjente lysverka til den amerikanske kunstnaren James Turrell. Lysinstallasjonen er plassert rett ved fjordkanten i Øystese, like ved kunsthuset Kabuso. Innanifrå kan du nyta heilt spesielle soloppgangs og solnedgangsopplevingar.
Kunsthuset Kabuso byr på skiftande utstillingar, konsertar og arrangement heile året. Opplev magiske lys i Hardanger Skyspace, og besøk Ingebrigt Vik-museet. Nyt kafeen med heimelaga mat og fantastisk utsikt.
Olav H. Hauge (1908–1994) er ein av våre fremste lyrikarar og gjendiktarar, og levde heile sitt liv i Ulvik. Ved Haugesenteret kan du bli betre kjend med Hauge si livshistorie og poetiske verk, og oppleva lyrikk i mange former og på tvers av språkgrenser. Museet har opplevingar for både born og vaksne. Senteret ligg vakkert til ved fjorden med utsyn til fjella frå det gamle heradshuset i Ulvik.
Sentralbadet Litteraturhus er eit kulturhus på smelteverkstomta midt i Odda sentrum. Gjennom året arrangerer dei mange eigne arrangement og er ein arena for andre arrangørar som Litteratursymposiet, Jernrosa politiske litteraturfestival, Siderfesten, Hardanger spillfestival o.a.
Hardanger Folkemuseum er ein del av Hardanger og Voss Museum og ligg på Utne. I hovudbygget kan du sjå utstillingar av hardangersaum, bunad og folkemusikk. I tillegg kan du også besøkja friluftsmuseum med historiske bygningar som høyrer til folkemuseet.
Opplev den storslagne Hardangerfjorden på sitt beste på fjordcruise med Norled turistbåtrute.
Gå tørrskodd bak ein av Noregs mest populære fossar. Steinsdalsfossen ligg lett tilgjengeleg og rett ved vegen nært Norheimsund.
