Ein enkel tur på traktorveg og sti med flott utsikt mot Krossdalen og Folgefonna.
Startpunkt
Ta vegen frå Jondal mot Folgefonna. Etter 8,0 km tar du til høgre mot Folgefonna. Etter ca 100 m må du betale avgift for å køyre denne vegen med bil. Det er automat som tar kort eller kontantar. Like før du kjem til denne automaten er det på høgre sida av vegen ei infotavle for turane i området. Etter ca. 800 m kjem du til eit vegkryss. Her er det skilta mot høgre til Gjetingshaugen. Har du bil, parkerer du her. Det er ikkje god parkeringsplass. Pass på at du ikkje står i vegen for anna trafikk. Parkering på eige ansvar.
