Det er ei stor glede å ønskje Eva Weel Skram velkomen til Baroniet Rosendal Riddersalen 15. juli 2026. Med albumet Vendepunkt har ho igjen vist kvifor ho er ein av dei mest folkekjære artistane i Noreg. Musikken hennar er prega av sterke melodiar og ærlege, personlege tekstar som treff publikum rett i hjartet. Gjennom låtar som «Om du vil», «Selmas song», «La meg vere» og «Vendepunkt» har ho skapt eit nært band til lyttarane sine. På scena er Eva Weel Skram kjend for varme og sterke konsertopplevingar, der formidlinga står i sentrum. I Riddersalen får publikum oppleva ei stemningsfull stund med låtar frå heile hennar norskspråklege karriere – og kanskje også nytt materiale.
Booking
Det er ei glede å kunne kunngjere at Eva Weel Skram kjem til
Baroniet Rosendal Riddersalen den 15. juli 2026!
I fjor sleppte Eva sitt nyaste album Vendepunkt, til fine meldingar, og
tittelsporet låg spikra på spelelistene til NRK P1 i månadsvis.
Eva Weel Skram har alltid vore svært personleg i tekstane sine, og det er
ho heldigvis framleis. Albumet Vendepunkt blei skrive i ein periode då
det skjedde mykje i livet hennar, særleg på innsida. Ho søkte og fann svar
på mykje i seg sjølv, og refleksjonane ho gjorde undervegs, fann fort vegen
ut av hovudet og inn i tekstane – slik dei ofte gjer. Og om noko så fint
kjem ut av Evas personlege vandring, kan vi ikkje gjere anna enn å håpe
at ho held fram med denne reisa i åra som kjem.
