I Hardanger finn du den mest spektakulære fjellformasjonen i Noreg. Når du står på platået og svevar 700 meter over Ringedalsvatnet, er det lett å forstå kvifor turistar frå heile verda kjem for å oppleva Trolltunga.
I hundrevis av år har det kome turistar frå alle verdshjørner til Hardanger. Her i regionen kan ein velja mellom fleire store og kjende ikon, men Trolltunga siglar fram som blant dei største – om ikkje det aller største ikonet i Hardanger og Noreg. Her får nemleg turistane ei unik oppleving du ikkje får andre stader. Det å stå på tuppen av tunga, svevande 700 meter over Ringedalsvatnet medan du skimtar isbreen Folgefonna i bakgrunnen, er vanskeleg å skildra med ord. Det er blant dei tinga du rett og slett må oppleva sjølv. På denne sida finn du all informasjon du treng før turen til Trolltunga. Alt frå transport og pakkeliste til guida turar med og utan overnatting.
Har du planar om å gå utan guide? Les deg opp her før du legg ut på eit eventyr i den norske fjellheimen. Trolltunga er nemleg ein lang og krevjande tur, så ein må førebu seg godt!
Sjå alle
Trolltunga har tre forskjellige parkeringsplassar.
P1 Tyssedal har 220 plassar og kostar 300 kroner for eitt døgn. Estimert gangtid frå P1 til Trolltunga er 15 timar tur/retur.
P2 Skjeggedal er hovudstartpunktet, har 180 plassar og kostar 500 kroner for eitt døgn. Her er estimert gangtid 8 – 12 timar tur/retur.
P3 Mågelitopp er ei privat parkering med plass til kun 30 bilar. Denne parkeringa kostar 600 kroner for eitt døgn, men bomavgift på 200 kroner kjem som tillegg. Denne parkeringsplassen må tingast på førehand! Estimert gangtid frå P3 er 7-10 timar tur/retur.
Det går skyttelbussar mellom Odda, P1 Tyssedal og P2 Skjeggedal. Frå P2 Skjeggedal går det skyttelbuss vidare til P3 Mågelitopp.
Sjå her for meir detaljert informasjon om parkering og transport.
Her gjeld ikkje allemannsretten: tettbygde strøk, rasteplassar, parkar og parkeringsplassar.
Unngå å lage merke i naturen som vardar, teltringar og liknande. Lat dei som kjem etter deg, få ei like fin oppleving som deg.
Er du i eit område der dunkar ikkje finst, må du sjølv ta med avfallet til eigna mottak.
Om dette ikkje er mogleg, grav eit hol i bakken. Unngå bruk av våtserviettar sidan dei har lang nedbrytingstid.
Det er ikkje tillate å telte i utmark nærare enn 150 meter frå hus eller hytter. Telting på innmark kan berre skje etter avtale med grunneigar.
Vegane i Hardanger er smale, og mange er på farten. Hald god avstand ved forbikøyring av syklistar, og ver særleg merksam på syklistar i tunnelane.
Frå 15. april til 15. september gjeld eit generelt forbod mot bålbrenning og bruk av open eld. Bruk etablerte bålplassar og forviss deg om at det ikkje er fare for brann.
Uro ikkje viltet. Hugs bandtvang for hundar.
Me tilrår organiserte aktivitetar i regi av aktivitetsverksemder. Du finn ei oversikt over desse på hardangerfjord.com
Sov komfortabelt i nydelege omgjevnader på Trolltunga Hotel i Odda, Hardanger. Hotellet er ei perfekt base for deg som vil gå Trolltunga eller vera med på ei anna av Trolltunga Active sine turar.
Like ved Kraftmuseet i Tyssedal ligg Tyssedal Hotel. Hotellet ligg også nært Skjeggedal og er dermed er eit godt utgangspunkt dersom du planlegg å ta turen til Trolltunga.
Midt i Noregs største frukthage ligg Hotel Ullensvang idyllisk ved kanten av Hardangerfjorden i Lofthus. Her kan du ikkje berre nyta vakre rom med fjordutsikt og god mat i restauranten men også badstua med panorama blikk...
I Odda sentrum, i gangavstand til butikkar, restaurantar og busstasjonen ligg Hardanger Hotel med flott utsikt over Hardangerfjorden. Hardanger Hotel er eit perfekt utgangspunkt for opplevingar og turar i regionen, som f...
Trolltunga camping ligg idyllisk til i Odda, midt mellom to nasjonalparkar. Omgitt av kontrastrik natur, stille vatn, høge fjell med snø på toppane, fossar og isbre berre nokre kilometer frå campingplassen! Campingen...
Trolltunga Hostel tilbyr rimeleg overnatting i Tyssedal - ikkje langt unna startpunktet for fotturen til Trolltunga.
Trolltunga Aparthotel er eit sjarmerande leilegheitshotell i Tyssedal - omkransa av stupbratte fjellsider og utsikt til Hardangerfjorden.
Slottet Apartments tilbyr komfortabel overnatting med fjordutsikt i Tyssedal - ikkje langt unna startpunktet til Trolltunga.
