Jonsokbryllaup med barnetog frå Gamle Kyrkja til Ostangen, med jonsokbål og grilling utover kvelden.
Velkomen til tradisjonsrik jonsokfeiring i Ostangen! Me inviterer små og store til ei stemningsfull markering av jonsokafta, med jonsokbryllaup og barnetog frå Eidfjord gamle kyrkje til Ostangen. Bryllaupstoget startar ved Eidfjord gamle kyrkje og går samla ned til feiringsområdet.
I Ostangen vert det tent jonsokbål, og utover kvelden legg me til rette for sosialt samvær med grilling og hygge. Det blir sal av heimelaga kaker. Ta gjerne med eiga grillmat – arrangøren stiller med grillar.
Arrangementet er ope for alle og passar godt for familiar.
Arrangør: 1. klasse ved Lægreid skule
