Bli med på ein ekspedisjon litt utanom det vanlege! På isbreen Folgefonna kan du utforska fleire tusen år gammal is saman med Folgefonni Breførarlag.
Dette er verkeleg ei unik oppleving du ikkje kjem til å angra på. Den guida turen vert tilpassa etter det du ynskjer – alt frå enkel vandring til avansert isklatring. Folgefonni Breførarlag, som feirer 30 år i 2024, veit nøyaktig kva som skal til for å gje deg ein så trygg og minneverdig tur som mogleg.
Etter ein eventyrleg dag på isbreen, anbefalar me å køyra langs Glacier Road og Nasjonal Turistveg Hardanger til den idylliske fjordbygda Utne. Denne bilturen, som er ein attraksjon i seg sjølv, er ein favoritt blant både dei lokale og blant turistane. Her kjem ein nemleg tett på natur som verkeleg er med på å definera Hardanger.
Her sjekkar du inn på Utne Hotel – Norges eldste freda trehotell frå år 1722. Det historiske hotellet er perfekt for deg som likar autentiske opplevingar og er glad i mat. Restauranten deira er kjent for kulinariske høgdepunkt med lokale råvarer.
Og med Utne Hotel som utgangspunkt, er det kort veg til fleire av dei mest kjende attraksjonane i Noreg og Hardanger – som Trolltunga, Dronningstien, Husedalen, Buer, sightseeing på Hardangerfjorden og masse meir!
Er du klar for ein minneverdig sommarferie i hjarta av norsk natur? Hardanger byr på spektakulære opplevingar og unike eventyr som ventar på deg. Med sine majestetiske fjell, frodige landskap, idylliske fjordarmar og isbreen Folgefonna, er Hardanger ein perfekt destinasjon for dei som ønskjer å utforska det beste norsk natur har å by på.
Utforsk fleire tusen år gammal is på eit guida eventyr med Folgefonni Breførarlag på isbreen Folgefonna. Turen vert tilpassa ønska og ferdigheitene til gjestene, så dette passar for dei aller fleste. Her får du utforska spektakulære isgrotter og panoramautsikt over Folgefonna, Nordsjøen og Rosendalsalpane.
Folgefonni Breførarlag er ein svært seriøs aktør der alle guidane er meget erfarne og har høg kunnskap om breen. Det er med andre ord absolutt ein trygg tur. Denne guida blåisturen er verkeleg spektakulær og noko du kjem til å hugsa heile livet.
Visste du at breen endrar seg frå dag til dag? Ein tur i regnvær er heilt annleis enn ein tur med sol. Det betyr at du får ei heilt unik oppleving uavhengig av været og kva dag du reiser.
Bli kjend med Torbjørn – ein av guidane til Folgefonni Breførarlag – og korleis det er å ha Folgefonna som kontor.
Etter ein eventyrleg dag på breen med Folgefonni Breførarlag, skal du køyra frå Folgefonna til Utne. Denne bilturen er ein attraksjon i seg sjølv. Først køyrer du Glacier Road ned frå breen, og her får du oppleva store kontrastar langs den korte vegen frå fjordkanten til tuppen av isbreen Folgefonna. Desse kontrastane er noko turistar frå alle verdshjørner lar seg begeistra av!
Når du kjem ned til fjordkanten i Jondal, køyrer du vidare langs Nasjonal Turistveg Hardanger, ein av 18 Nasjonale Turistvegar i Noreg. Her køyrer du gjennom urørt natur i postkortlandskap som har inspirert store kunstnarar gjennom tidene. Langs vegen passerer du gardstun med titusenvis av frukttre, utsikt til spektakulære fjell, sjølve Hardangerfjorden og idylliske fjordbygder. Dette er ein av favoritt-vegane til oss i Visit Hardangerfjord!
Når du kjem fram til den idylliske fjordbygda Utne, skal du bu og eta på Utne Hotel – Norges eldste freda trehotell. Dette historiske hotellet har vore i kontinuerleg drift sidan år 1722. Hotellet har berre 17 rom, alle med individuelt, historisk interiør med særpreg og sjarm. Hotellet er perfekt for deg som ser etter autentiske opplevingar og er glad i mat. Dei har nemleg eit sterkt fokus på mat med lokale ingrediensar, og restauranten deira har fått svært gode omtalar både av turistar og i både lokal, regional og nasjonal presse. Etter ein lang dag med kjekke aktivitetar på Folgefonna og langs Nasjonal Turistveg Hardanger, er det lett å slappa av på det idylliske Utne Hotel og nyta ein god middag i den velrenommerte restauranten deira.
Den unike kombinasjonen av fjord, fjell, isbrear, historie og lokale matopplevingar gjer Hardanger til den ideelle destinasjonen for ein minnerik sommarferie. Opplev norsk natur på sitt beste, med tilbod som sørgjer for at naturen blir tatt vare på for framtidige generasjonar.
Bestill di oppleving i dag, og opplev magien i Hardanger! Besøk nettsidene til Folgefonni Breførarlag og Utne Hotel for meir informasjon og booking.
Velkomen til Hardanger – der eventyra ventar.
Opplev blåis på Folgefonna! Folgefonni Breførarlag tar deg med til Juklavassbreen, ein bretur med panoramautsikt over fjord og fjell. På denne brearmen er det både spennande bresprekker og flat is.
Det historiske hotellet Utne Hotel frå 1722 har vore i kontinuerleg drift sida det. Hotellet har berre 17 rom, der alle har individuelt, historisk interiør med særpreg og sjarm. Hotellet er perfekt for deg som ser etter autentiske opplevingar .
Bli med på bretur med panoramautsikt. Denne turen tar deg med inn eit unikt landskap med spennande natur- og kulturhistorie.
Ein unik padletur mellom isfjell og mektig natur inn til Folgefonna isbre. Bli med på brekajakk og opplev isbreen det krystallklare på tett hald.
Folgefonna på langs er Noregs finaste vårskitur. Dette er ein krevjande tur i det unike brelandskapet mellom Jondal og Rosendal.
Bli med på kajakktur på Hardangerfjorden. Frå kajakk får du ei fantastisk oppleving av fjordlandskapet. Denne turen passar og for deg som ikkje har padla kajakk før.
Skreddarsy di eiga breoppleving med Folgefonni Breførarlag. Leige av privat guide gir deg fleksibilitet til å lage opplegg etter eigne ønsker og timeplan.
Opplev reiselivsikonet Fonna1199 på toppen av isbreen Folgefonna! Det nye velkomstsenteret, med si unike arkitektoniske utforming, ligg berre eit steinkast unna sjølve isbreen.
Trolltunga er den mest spektakulære fjellformasjonen i Noreg. Den ligg 1180 moh, om lag 700 meter over Ringedalsvatnet. Her er det fantastisk og luftig utsikt. Turen til Trolltunga startar i Skjeggedal og går i høgfjellet.
Bondhusvatnet nær Sundal i Kvinnherad kommune er eit ynda turmål og turen til brevatnet er blant dei mest populære fotturane i Hardanger regionen. Turen er lett og kort, og du kan gå den nærmast heile året.
H.M. Dronning Sonjas panoramatur, betre kjent som Dronningstien i Hardanger, er blant dei mest populære turane i Noreg. Med nydeleg utsikt langs heile vegen, er det lett å forstå kvifor dette er blant favoritturane til H.M. Dronning Sonja.
Utforsk dei majestetiske Husedalsfossane på ein 3-6 timars tur frå Kinsarvik til Hardangervidda. Stien er godt merka og tilbyr spektakulær natur og varierte ruter.
Nasjonal turistveg Hardanger tar deg med gjennom eit mektig fjordlandskap. Undervegs kjem du tett på fjord, fjell, fossar og frukthagar.
