- Eg forelska meg heilt i den vakre naturen og alle turmoglegheitene rundt

Celine Jessen kom til Hardanger for eit kortvarig sommareventyr på Trolltunga, men blei sjølv bergtatt av alt det fantastiske Hardanger har å by på.

Den sprudlande bergensaren stråler når ho snakkar om kor fantastisk det er å ha fjellturar rett utanfor døra. Det som skulle vera fire knappe månadar som guide på Trolltunga blei raskt mykje meir då ho verkeleg vart kjend med Hardanger. I dag, fem år seinare, står ho for den daglege drifta av guideselskapet Trolltunga Adventures og sjølv om mange av Celines arbeidsoppgaver no er administrative er ho framleis stadig på guida turar med eventyrlystne gjester både sommar og vinter. Celine har ein bachelor i marknadsføring og salsledelse og har alltid likt å arbeide med mennesker.

- Eg elskar å arbeide tett på andre og skape minnerike opplevingar for dei rundt meg.

Dette kjem tydeleg fram då ho entusiastisk fortel om turane ho har guida til Trolltunga med både norske og utanlandske gjester.

Fullpakka eventyrpakke

Å gå med guide til Trolltunga er ei eventyrpakke proppfull av inntrykk! Ikkje berre får du ei trygg ferdsel til destinasjonen, men du får også ei fullverdig villmarksoppleving saman med entusiastiske og kunnskapsrike guidar. Du blir teken med til skjulte perler langs vegen og kjem tett på den urørte og ville naturen, og veljer du ein overnattingstur får du også toppe opplevinga med både solnedgang og soloppgang ved den spektakulære fjellformasjonen.

Rekordsommar

For Celine og Trolltunga Adventures har sommarsesongen i år vore over all forventning. Fullbooka turar og enorm etterspørsel gjer at dei går inn i det kommande året med ei storsatsing på nye produkt med fleire faste tilsette. Hovedsatsinga for 2023 ligg på det fantastiske vintereventyret Trolltunga Husky walk med deira nye polarguide eventyraren Moa Hunseid og sledehundane hennar.

- Dette er eit produkt me har drøymt om lenge og me gler oss til å la gjestene få oppleve ei snøkledd Trolltunga i fantastisk selskap. Trolltunga om vinteren med lite folk på stien og dei snøkledde omgjevnadene er verkeleg unikt.

Sett av nok tid

Gjestene blir imponert over kor flott det er i Hardanger og kor utruleg mykje ein kan oppleve her. Den urørte naturen og stillheita i kombinasjon med panoramautsikt til fjord, fjell og isbrear set spesielt preg på dei besøkande. Celine opplever at mange av dei besøkande angrar på at dei ikkje har planlagt meir tid i Hardanger. Fleirtalet planlegger gjerne å gå Trolltunga eller Dronningstien for deretter å reise vidare i landet, men når dei fyrst kjem hit og får innblikk i alle moglegheitene som fins her er det derimot mange som vert overraska og som skulle ynskje at dei kunne bli lengre.

Lett tilgjengelig panoramautsikt

For den ultimate Hardangeropplevinga har Celine fleire gode tips på lur. Noko av det unike med Hardanger er at ein ikkje må langt opp i terrenget for å få panoramautsikt og berre eit steinkast unna Trolltunga ligg fleire av Celine sine turfavorittar:

Hardanger After Hike

Eit besøk i Hardanger er heller ikkje komplett utan ein skikkelig After Hike meiner Celine. Å kombinere fjelltur i vakre omgjevnader med lokale smaksopplevingar og avslapning ved fjordkanten set prikken over i-en på Hardangereventyret.

Dette er nokre av Celine sine favorittar etter ein lang dag i fjellet:

- Ferskvaren i Odda sentrum er også ein fantastisk restaurant med nydelig mat og atmosfære. Verkeleg verdt eit besøk, avrunder Celine.