Kvart år legg turistar frå heile verda feriane sine til Hardanger og det norske fjordlandskapet. Den anerkjente fotografen og influenceren Marvin Kuhr er blant dei som har vorte forelska i Hardanger-regionen.
Han reiser til utallege destinasjonar rundt om i heile verda, og kvart einaste år kjem han tilbake til Hardanger-regionen. Grunnen? Det er blant dei absolutte favorittplassane hans.
Denne sommaren var han 1 veke i Hardanger, og i denne artikkelen får du sjå alt det fantastiske Marvin Kuhr fekk oppleva på turen sin - frå høge toppar og unikt isbrelandskap…
...til frodige fjordbygder og buldrande fossefall. Opplev Hardangerfjord-regionen gjennom linsa til Marvin Kuhr.
Sjå den anerkjente fotografen Marvin Kuhr sine høgdepunkt frå hans magiske reise gjennom Hardanger denne sommaren.
Den tyske fotografen og influenceren Marvin Kuhr lever av å foreviga dei mest spektakulære reisemåla verda har å by på. Gjennom sitt kreative blikk på Instagram og TikTok, inspirerer han millionar av menneske kvart einaste år. Sidan hans fyrste besøk i Hardanger tilbake i 2018, har han vendt tilbake gong på gong. Denne sommaren var han her i 1 veke, og i denne artikkelen kan du oppleva alle dei spektakulære attraksjonane, aktivitetane og overnattingsstadane gjennom linsa til Marvin Kuhr.
Trolltunga Adventures & Tyssedal Hotel:
Å gå til Trolltunga - den mest spektakulære fjellformasjonen i Noreg - er ei spektakulær oppleving i seg sjølv, men saman med Trolltunga Adventures blir eventyret ekstra spesielt. Dei erfarne guidane gjev deg meir enn berre tryggleik på stien - dei deler spanande historier, lokale tips og viser seg dei mest foto-vennlege stadane langs ruta. Guida overnattingstur til Trolltunga med Trolltunga Adventures inkluderer ei overnatting i ein privat teltleir med fantastisk utsikt, middag og frukost. Overnattinga gjer at du kan oppleva det stemningsfulle morgonlyset på Trolltunga før du returnerer til sivilisasjonen.
Etter eit minneverdig døgn i høgfjellet, sjekka han inn på historiske Tyssedal Hotel for å lada batteria. Her kunne han slappa av på komfortable rom med nydeleg utsikt til buldrande fossefall og stupbratte fjellsider.
Samarbeidshotellet til Trolltunga Adventure er også kjend for sine kulinariske opplevingar. Restauranten tilbyr mat av internasjonal karakter inspirert av Hardanger, laga av lokale råvarer. Nyt eit måltid her etter ein lang dag med eventyr, og lat deg forføra av smakar frå Hardanger-regionen.
– Den naturlege skjønnheita og variasjonen i Hardanger er heilt fantastisk; det er nesten uverkeleg korleis du kan oppleva innsjøar, isbrear, fjordar, fossar og mykje meir på ein og same dag.
Minnerike opplevingar med Book Hardanger
Etter ei god natt søvn på Tyssedal Hotel køyrde han utover fjordlandskapet langs Nasjonal Turistveg Hardanger til bygda Eidfjord. Turen til Trolltunga er av det krevjande slaget og noko av det fine med Eidfjord er at det er såpass mange attraksjonar som er lett tilgjengeleg med bil. Her er det med andre ord lett å lata seg fortrylla utan å bruka særleg med energi!
Saman med Book Hardanger fekk han oppleva fleire av deira største ikona i Eidfjord, som blant anna:
På kveldstid trakk han seg tilbake til Fossli Hotel, der han kunne sovna til lyden av Vøringsfossen. Hotellet frå 1891 ligg kun eit steinkast frå fossen og har vore ei inspirasjonskjelde for mange - blant anna den berømte komponisten Edvard Grieg, som var ein stamgjest på hotellet.
Frå Eidfjord gjekk turen vidare til Brakanes Hotel som ligg idyllisk til rett ved fjordkanten i Ulvik. Omkransa av fjord og fjell fekk Marvin oppleva ein fartsfylt tur på fjorden i RIB med Hardangerfjord Adventure. Inn den 13 km lange og nydelige fjordarmen Osafjorden vart han teke med tilbake i tid og fekk innsikt i liva til menneska som budde her langs fjorden.
Neste morgon var Marvin klar for eit nytt eventyr, og no skulle han reisa frå Ulvik til Lofthus for å gå den kjende Dronningstien.
H.M. Dronning Sonjas panoramatur, også kjent som Dronningstien i Hardanger, har dei siste åra sigla fram som ein av dei mest populære og vakraste fotturane i Noreg. Med spektakulær utsikt til Sørfjorden langs heile vegen, er det lett å forstå kvifor H.M. Dronning Sonja har dette som ein av sine favorittar.
– Den friske lufta og det strålande solskinnet skapte den perfekte sommarferiestemninga, noko som ofte er uventa på ein tur til Noreg. Heldigvis byr dette landet alltid på uventa gleder.
Frå Dronningstien kunne Marvin nyte imponerande utsikt over Sørfjorden, delar av Folgefonna og det storslagne landskapet rundt.
Etter ei bratt, men vakker nedstigning, var Marvin klar for å halda fram eventyret sitt i Hardanger.
Den svalande Hardanger-lufta var ein forfriskande måte å kjøle seg ned på etter ein lang tur i fjellet. Å setja seg ned ved fjorden og få tid til å nyte utsikta og verkeleg ta inn opplevinga var like belønnande.
Marvin fortsatte eventyret sitt i Kvam, der han sjekka inn på Hardangerfjord Hotel i Øystese. Frå rommet sitt kunne han nyte ei storslagen utsikt over Hardangerfjorden og Folgefonna i det fjerne. Faktisk kunne han skimte sin neste destinasjon frå vindauga, og med desse majestetiske fjellene som bakgrunn, var han klar for å legge ut på sitt neste unike arktiske eventyr.
Plassert på Noregs tredje største bre tilbyr Folgefonna Husky Camp naturskjønne hundesledeturar, huskyfotturar, kos med kvalpar og uforgløymelege overnattingsturar. Marvin sjekka inn på campen og gjorde seg klar for hundesledetur på breen før han kunne nyta den unike leirplassen med autentiske sametelt, knitrande bål, varme reinsdyrskinn og velsmakande lokal mat.
– Hundesledekøyring på Folgefonna husky camp var som å vere med på ein ekte arktisk ekspedisjon og gav ei surrealistisk oppleving som er heilt unik i Noreg. Det var noko eg vil setje stor pris på i lang tid.
Marvins siste fottur før reisa hans var over var til Hanakamb, ein tur han hadde sett fram til i mange år. Hanakamb er ei ekte skjult perle i hardangerfjella. Frå start til slutt byr denne turen på nydeleg utsikt over fjorden, perlande elver, Folgefonna, frodige dalar og turkise brevatn.
Når me rundar av dette innblikket i Marvin Kuhr sitt fortryllande eventyr gjennom Hardanger, sit orda hans djupt hos oss:
– Det er dei uendelege moglegheitene for aktivitetar, utforsking og eventyr, kombinert med dei varme og hjartelege folka, som heile tida får meg til å koma tilbake til Hardanger.
Hans imponerande fotografi fangar essensen av denne bemerkelsesverdige regionen og inviterer oss alle til å oppdage magien sjølve. Bli inspirert og start planlegginga av ditt neste eventyr i Hardanger.
Opplev Trolltunga ved solnedgang og soloppgang. Guidane i Trolltunga Adventures legg til rette for ein fantastisk overnattingstur, der alt utstyr og mat inkludert i prisen.
Like ved Kraftmuseet i Tyssedal ligg Tyssedal Hotel. Hotellet ligg også nært Skjeggedal og er dermed er eit godt utgangspunkt dersom du planlegg å ta turen til Trolltunga.
Hardangerbrua, som bind saman sørsida (ved Bu) og nordsida (ved Vallavik) av Hardangerfjorden er ei av dei ti lengste hengebruene i verda. Du kan kryssa brua gåande eller syklande, på eigen gang- og sykkel felt.
Opplev Vøringsfossen - den mest kjende i heile Noreg!
Fossli Hotel har ei unik plassering rett ved utsiktspunktet for Vøringsfossen med utsikt over Måbødalen. Hotellet vart bygd i 1891, 25 år før Fossli fekk vegforbindelse. Edvard Grieg var stamgjest her.
Opplev Hardangerfjorden ved å bevega deg stille over vatnet. Best Adventures tar deg med på tur med havkajakk, og det er fleire turopplegg å velje mellom.
Rett ved fjordkanten i Ulvik ligg Brakanes Hotel idyllisk til og nære attraksjonar og opplevingar i Hardangerfjord regionen. I gangavstand frå hotellet finn du for eksempel frukt- og siderruta med besøksgardar og Olav H. Haugesenteret.
To spektakulære fjordarmar på éin eventyrleg tur!
H.M. Dronning Sonjas panoramatur, betre kjent som Dronningstien i Hardanger, er blant dei mest populære turane i Noreg. Med nydeleg utsikt langs heile vegen, er det lett å forstå kvifor dette er blant favoritturane til H.M. Dronning Sonja.
Nyoppussa Hardangerfjord Hotel ligg idyllisk til ved fjordkanten i Øystese, berre ein times tid frå Bergen, med fantastisk utsikt mot Hardangerfjorden, fjella og isbreen Folgefonna. Gjestane får oppleva fjord og fjell gjennom heile året, og med variasjonen i årstidene vert det aldri kjedeleg.
Rundt Fitjadalsvatnet - gjennom et variert kulturlandskap Startpunkt Køyr opp frå RV 7 i Øystese. Følg skilting til Fitjadalen. Start turen ved sørenden av Fitjadalsvatnet, eller i nordenden ved Fetet (sjå kart)....
Bli med på uforgløymelege huskyeventyr med Folgefonna Husky Camp - lokalisert på Noregs tredje største isbre! Spennande hundekøyring, storslagne vandreturar med husky, kvalpekos og minneverdige overnattingsutflukter er noko av det som venter deg på Folgefonna husky camp.
Hanakamb er fjellturen som har alt: Storslagen utsikt til Hardangerfjorden, majestetiske fjellrekker, Folgefonna isbre, turkist brevatn og grøne dalsider.
