Opplev Hardanger-regionen om vinteren og få eit annleis møte med fjordlandskapet. Her finn du eit breitt utval av aktivitetar, attraksjonar og overnattingar tilgjengeleg heile året.
Unn deg sjølv ein pause i kvardagen og opplev Hardanger om vinteren. I denne årstida er møtet med fjord- og naturlandskapet heilt annleis enn om sommaren. Hardanger er nemleg så mykje meir enn berre bløming, sider og frodig natur. Her i regionen er det eit stort utval av aktivitetar, attraksjonar og turar som er tilgjengeleg heile året. Og det beste av alt? I Hardanger om vinteren har du store deler av regionen for deg sjølv. Har du ei ledig helg eller nokre dagar fri, er med andre ord Hardanger regionen å besøka.
1) Lett tilgjengeleg
Alle vegar fører til Rom, heiter det seg. Mykje av det same kan seiast om Hardanger. Regionen er enkel å koma seg til med både buss, bil, fly og tog. Legg du til at langs vegen køyrer du forbi den eine naturperla etter den andre, er sjølve turen ei oppleving i seg sjølv. I Hardanger er det med andre ord korte avstandar mellom store opplevingar.
Sjå for deg å vakna i denne komfortable og gjennomsiktige domen på Trolltunga! Det skadar ikkje at du får verdas mest spektakulære fjellformasjon for deg sjølv.
2) Store høgdepunkt for deg sjølv
Kvart år kjem det turistar frå alle verdshjørner for å oppleva Trolltunga. Det same kan seiast om Dronningstien, som har eksplodert i popularitet dei siste åra. Om sommaren risikerer du å stå fleire timar i kø for å ta det ikoniske bildet frå Trolltunga. Om vinteren får du omtrent heile fjellformasjonen for deg sjølv. Trolltunga Active tilbyr fleire forskjellige turar med guide til Trolltunga om vinteren. Nokre med overnatting, andre som dagstur.
3) Mange alternativ
Nokon ynskjer å oppleva nemnde Trolltunga og Dronningstien utan sommarkøen, men dette er ikkje for kven som helst. Det finst også dei som ynskjer å senka skuldrene og finna roen, og då skal ein leita lenge etter ein meir ideell region enn Hardanger. Pust ut og sjekk inn på Hotel Ullensvang. Lat deg begeistra av alle dei tosifra fossefalla i Fyksesundet frå ein RIB-båt, eller besøk sidergardane som i desse dagar er ferdig med årets sider og eplemost. Alternativa er mange, og her i regionen finn du alternativ som passar for alle.
Nyt ein kopp kaffi og la deg begeistra av den flotte naturen i Ulvik frå Hardanger Panorama Lodge. Perfekt for både vener, par og familiar!
4) Kort avstand mellom store opplevingar
Stupbratte fjell, buldrande fossar og levande bygder. Det er lett å forstå kvifor så mange har forelska seg i Hardanger-regionen. Både langs og på Hardangerfjorden – den nest lengste av sitt slag i Noreg – kan du koma tett på store natur- og kulturopplevingar heile året. Dei mange fyrtårna og attraksjonane er spreidd godt rundt i heile regionen, og det er enkelt å transportera seg frå det eine til det andre. Du kan med andre ord ha ein dag i skibakken 1300 meter over havet i Røldal og slappa av hjå Heit Sørfjorden Sauna nede ved fjorden kort tid etter. I Hardanger får ordet «kontrastar» ei ny meining.
5) Trygt og godt
I Hardanger er det enkelt å trekke seg tilbake og lade opp batteria. Hardanger er ein trygg og roleg region å besøke og om vinteren kan ein verkeleg finne roa då det er merkbart færre turistar i regionen. Kva med å senka deg ned i eit varmt hotellbasseng midt i Noregs største frukthage, eller å ta overnattinga til nye høgder i ei tretopphytte? Anten du dreg aleine, med vener, med partneren din eller med familien, er det som balsam for sjela der du heng høgt eller lågt, i tretoppane eller ved fjordkanten – tett på naturen, med ro og nydelig utsikt.
6) Kulinarisk eldorado
På lik linje som naturperlene ligg tett i tett, gjer matskattane det same. Langs heile fjorden finn du matprodusentar, hotell og gardar som alle serverer og/eller sel lokalproduserte skattar frå regionen. Hardangerfjord Hotel er eit godt døme, som dei siste åra har satsa stort på kortreist mat og sider frå Hardanger. Få, om ingen, kan skilta med ein større siderkjellar enn det nyoppussa hotellet i Øystese. PS: Eit godt tips er å kombinera eit opphald på hotellet med eit forfriskande bad i Hardangerbadet, samt ein guida RIB-tur inn den trongaste fjordarmen i heile Hardanger.
Me kunne laga mange hundre grunnar til kvifor ein skal oppleva Hardanger om vinteren, men håpar nokre av desse tipsa fell i smak. Treng du fleire tips til kjekke opplevingar i Hardanger? Sjå gjerne på inspirasjonssida vår eller følg oss på sosiale medier. Der publiserer me hyppige oppdateringar og tips til alle dei ulike høgdepunkta i Hardanger.
Velkomen!
Unngå køane, ta på deg trugene og bli med på eit vintereventyr til Trolltunga med guide. Ein unik dagstur i Hardanger med Trolltunga Active.
Trolltunga er den mest spektakulære fjellformasjonen i Noreg. Den ligg 1180 moh, om lag 700 meter over Ringedalsvatnet. Her er det fantastisk og luftig utsikt. Turen til Trolltunga startar i Skjeggedal og går i høgfjellet.
Bli med Trolltunga Active og dei røynde guidane deira på eit ferdigpakka vintereventyr til Trolltunga. Pakken, som går frå fredag til søndag, inkluderer også trerettars middag og tre glas sider frå Hardanger på Trolltunga Hotel.
Bondhusvatnet nær Sundal i Kvinnherad kommune er eit ynda turmål og turen til brevatnet er blant dei mest populære fotturane i Hardanger regionen. Turen er lett og kort, og du kan gå den nærmast heile året.
Opplev Vøringsfossen - den mest kjende i heile Noreg!
Utforsk dei majestetiske Husedalsfossane på ein 3-6 timars tur frå Kinsarvik til Hardangervidda. Stien er godt merka og tilbyr spektakulær natur og varierte ruter.
Stå på ski i Hardanger. Røldal Skisenter, blant dei mest snøsikre skianleggene i Norge, er perfekt for både nybyrjarar og erfarne skikøyrarar.
Låtefoss i Oddadalen har ei fallhøgde på 165 meter og har vore eit ynda reisemål heilt sida 1800-talet. Han er lett tilgjengeleg - rett ved hovudvegen 13 mellom Odda og Røldal.
Fruktstien. Idyllisk kulturlandskap for alle Startpunkt Fruktstien kan ein lett koma seg på frå mange plassar: Lofthus Camping, Hotel Ullensvang, Ullensvang Gjesteheim, Hardanger Vandrarheim, og ved daglegvarebu...
Nede ved fjorden i Øystese sentrum, finn du det nye Hardangerbadet. Fyrtårnsprosjektet inneheld bade- og symjeanlegg, helsepark, treningsanlegg og visningssenter for laks. Symjeanlegget, med 25 metersbasseng, samt familie- og terapibasseng, er kjerna i Hardangerbadet.
Opplev Hardanger sine kjende destinasjonar i vinterdrakt på trugetur saman med Trolltunga Active sine guidar; fjord, fjell, foss og bre er noko av det du får sjå på denne turen mens du vandrar i snøen på truger.
I gardsmatbutikken i Øystese sentrum får du kjøpt varer laga både av lokale og andre norske små og mellomstore produsentar. Her er det mellom anna tradisjonsbakst, fruktsaft, sider, syltetøy, honning, kjøt- og spekemat i hyllene.
Omkransa av bratte fjell, Hardangerfjorden og Folgefonna, ligg Alde Sider idyllisk til på Bleie Gard i Sørfjorden. Saft- og siderprodusenten som i 2018 blei kåra til den beste i Noreg, sel dei edle dråpane frå både garden og Vinmonopolet.
For grupper på 15-24 personar tilby Hardanger Fjordsafari kortare RIB turar på 30 minutt.
I Gullfiskvatnet kan du mate "Gullfisk"! Gullfisken er gullvederbuk, sett ut i Skårsvatnet i 1914. Fin raste- og badeplass. Vist på NRK - Norsk attraksjon 2009. Gullfiskvatnet (Skårsvatnet) ligg 5 km frå Øystese på f...
Opplev levande maritim historie på Hardanger Fartøyvernsenter med opne verkstader og kjekke familieaktivitetar.
I tilknyting til Vøringfoss Hotel har Eidfjord kommune bygd eit flott galleri for si unike samling av Bergslimaleri. Her vert det og høve til å nyta kunst frå andre kunstnarar.
Hardanger Fjordsafari tilbyr RIB båt turar frå Eidfjord. Her kan du vera med på kortare eller lengre fjord opplevingar der du kjem tett på naturen.
Hardanger Skyspace er eit av dei kjente lysverka til den amerikanske kunstnaren James Turrell. Lysinstallasjonen er plassert rett ved fjordkanten i Øystese, like ved kunsthuset Kabuso. Innanifrå kan du nyta heilt spesielle soloppgangs og solnedgangsopplevingar.
Kjøp, smak og nyt eplemost & sider frå Hardanger hjå Helleland Gard på Lofthus. På garden kan du også booka deg sidersmaking med ost og spekemat.
Opplev Kraftmuseet i Tyssedal og få eit fascinerande innblikk i Noregs vasskraft- og industrieventyr, med aktivitetar for heile familien i vakker vestlandsnatur.
Kunsthuset Kabuso byr på skiftande utstillingar, konsertar og arrangement heile året. Opplev magiske lys i Hardanger Skyspace, og besøk Ingebrigt Vik-museet. Nyt kafeen med heimelaga mat og fantastisk utsikt.
Stad Steinsdalsfossen Turomtale Frå butikkane ved Steinsdalsfossen, gå 60 meter mot Rosseland, og ta til høgre inn på vegen skilta "Fjærabygda". Følg vegen og stien til Sundsvik. Hugs å stenge portane langs vegen...
Olav H. Hauge (1908–1994) er ein av våre fremste lyrikarar og gjendiktarar, og levde heile sitt liv i Ulvik. Ved Haugesenteret kan du bli betre kjend med Hauge si livshistorie og poetiske verk, og oppleva lyrikk i mange former og på tvers av språkgrenser. Museet har opplevingar for både born og vaksne. Senteret ligg vakkert til ved fjorden med utsyn til fjella frå det gamle heradshuset i Ulvik.
Røldal Stavkyrkje er bygt på 1200-talet og er kjend for krusifikset sitt som, ifylgje legenda, har heilbrigdande krefter. Kyrkja ligg i Røldal sentrum og var eit av dei viktigaste pilegrimsmåla i middelalderen og heilt fram til 1835.
Sentralbadet Litteraturhus er eit kulturhus på smelteverkstomta midt i Odda sentrum. Gjennom året arrangerer dei mange eigne arrangement og er ein arena for andre arrangørar som Litteratursymposiet, Jernrosa politiske litteraturfestival, Siderfesten, Hardanger spillfestival o.a.
Spildegarden i Øystese har produsert sider og eplemost i fire generasjonar. Her kan du smaka på prisbelønte produkt, lokale råvarer og oppleva eplesiderens kulturhistorie i vakre omgjevnader.
Steinparken ligg sentralt i Rosendal og er eit av besøksmåla til Folgefonna Nasjonalpark. I parken er det ei samling av forskjellige steinarter frå regionen og utstillingar med prehistorisk tema.
Gå tørrskodd bak ein av Noregs mest populære fossar. Steinsdalsfossen ligg lett tilgjengeleg og rett ved vegen nært Norheimsund.
Syse Gard i Ulvik byr på smakfulle opplevingar med sider, frukt i mange fasongar og tradisjonelt foredla lammekjøt. Eigen gardsbutikk og kafé om sommaren.
Ulvik Frukt & Cideri er den fyrste av tre gardar langs den einaste frukt- og siderrruta i Noreg. Garden byr på omvisingar og lokale smakar i form av eplesaft, sider og andre smakfulle gleder.
