Historiske slott, majestetiske fjell og dramatisk landskap med store kontrastar. I og rundt Rosendal finn du noko av det flottaste Hardangerregionen har å by på.
I turistkommunen Kvinnherad, kor Rosendal ligg som ei perle i sentrum, som tek deg frå havgapet og inn i Hardangerfjorden, er kontrastane store. Kom tett på denne makelause naturen og opplev reisa frå hav til fjord om bord Rødne si båtrute mellom Bergen og Rosendal. Det opne og dramatiske kystlandskapet vert erstatta med høgreiste fjell innover fjorden. Rosendalsalpane, med Melderskin, Gygrastolen og Ulvanosa i spissen, skil seg ut som dei mest spektakulære toppane.
Bondhusvatnet og Bondhusbrea i Sundal er også av det spektakulære slaget, og det er flotte turstiar både her og andre plassar i kommunen. Uansett om du vil gå langt eller kort, er alternativa mange i og rundt Rosendal. Vil du utforska på sykkel eller ta ein båttur på Myrdalsvatnet, kan du leiga dette på turistkontoret i Rosendal.
Skal du verkeleg ha mest mogleg igjen for besøket, vil me anbefala å gå med guide. Folgefonni Breførarlag og guidane deira står klare til å losa dykk gjennom den mektige naturen i området. Kva med ein kajakktur på isbrevatn med flytande isfjell?
Du kan heller ikkje unngå å ta turen innom Baroniet Rosendal. Slottet frå 1665 er kjent for sin vakre landskapspark og rike kulturprogram med større og mindre konsertar. Eit besøk på Baroniet Rosendal høver seg også svært godt for dei som også berre vil ta seg ein liten matbit i flotte og staselege omgjevnader. Og når me fyrst er inne på mat; sjekk ut Elins Matgleder i Rosendal. Ho diskar opp rettar som freistar dei fleste frå restauranten og kafeen hennar i sentrum. Der kan du også kjøpa med deg eigenproduserte delikatesser som saft og syltetøy.
Apropos historiske bygg. Halsnøy Kloster frå 1100-talet er vanskeleg å koma utanom. Det tradisjonsrike området ligg vakkert til ved munninga av Hardangerfjorden og er eit av fleire tun i Sunnhordland museum sine samlingar.
Eit anna tun du bør vitja, er Guddalstunet. Der finn du Galleri G. Guddal med kunstgalleri, overnatting og servering. Galleriet, som blei tildelt Olavsrosa i 1993, tilbyr eit variert program med både etablerte og uetablerte kunstnarar.
Er du usikker på kva du skal finna på? Då vil me anbefala å ta turen innom turistinformasjonen i Rosendal. I same bygg finn du også Folgefonnsenteret. Der lærer du mellom anna om Folgefonna Nasjonalpark, livet i Hardangerfjorden, vatnet sin syklus og klimaendringar gjennom spanande og interaktive utstillingar. Både Folgefonnsenteret og Steinparken, som har skulpturar og dinosaur-hus i gangavstand frå Rosendal, er perfekt for småbarnsfamiliar!
I og rundt Rosendal finn du også ei rekke ulike overnattingsalternativ. Alt frå flotte og moderne fjordhotell til tradisjonsrike aktørar med fokus på miljø og bærekraft. Sjå her for full oversikt!
Velkomen til Rosendal og Kvinnherad – eit Noreg i miniatyr!
Baroniet Rosendal er det einaste baroniet i Noreg og Skandinavias minste slott. Baroniet ligg sentralt i Rosendal og er kjent for sitt rike kulturprogram og sin rosehage.
Bondhusvatnet nær Sundal i Kvinnherad kommune er eit ynda turmål og turen til brevatnet er blant dei mest populære fotturane i Hardanger regionen. Turen er lett og kort, og du kan gå den nærmast heile året.
Ein unik padletur mellom isfjell og mektig natur inn til Folgefonna isbre. Bli med på brekajakk og opplev isbreen det krystallklare på tett hald.
Folgefonnsenteret er tilknytt Folgefonna Nasjonalpark og inneheld moderne, interaktive utstillingar med tema som geologi, klima, vatnet sin syklus og livet i Hardangerfjorden. Folgefonnsenteret er lett tilgjengeleg med ekspressbåt frå Bergen.
Guddalstunet, 5 km frå Rosendal, tilbyr kunstgalleri, overnatting og servering i vakre omgjevnader. Opplev utstillingar av nasjonale og internasjonale kunstnarar, og overnatt i nyrestaurerte Vangshuset.
Mektig fossefall tett på bilvegen
Steinparken ligg sentralt i Rosendal og er eit av besøksmåla til Folgefonna Nasjonalpark. I parken er det ei samling av forskjellige steinarter frå regionen og utstillingar med prehistorisk tema.
Kjenn på historia og ta turen innom Halsnøy Kloster. På det historiske området, som går tilbake til år 1163, er det omvisningar, utstillingar, føredrag og konsertar gjennom året.
Vakker steinkyrkje frå 1250
Sundal Camping ligg ved Maurangerfjorden, med utsikt mot Bondhusbreen og fjorden. Tilbyr hytter, oppstillingsplassar for bubil, vogn og telt, samt sanitærhus, leikeplass og badeplass. Perfekt for fjord- og fjellopplevingar.
Turen til Malmangernuten, som tar omlag 4 timar totalt, kan startast frå Rosendal Fjordhotel i Rosendal sentrum. Toppen ligg på 890 meter og her har du flott utsyn over Rosendal og nabobygdene samt Hardangerfjorden.
Gå ein eller fleire etappar av den gamle "Den Stavangerske Postveg" i Kvinnherad.
Tur til Borgundøy sitt høgaste punkt med fantastisk utsikt i alle himmelretningar.
Sentrumsnær tur på Husnes med flott utsikt over Opsangervatnet, Halsnøy, Tysnes, Stord og Sveio.
Tur i eit vakkert og frodig dalføre som passar for alle.
Grusa skogsveg og sti til Kviteggjo med utsikt over fjord og bygder.
Opplev Hattebergsdalen og Malmangernuten i Rosendal!
Turen til Melderskin startar frå Rosendal sentrum i Kvinnherad. Turen opp tar ca. 4 timar, og frå den 1426 meter høge toppen har du storslått utsikt over havet, fjorden, fjellandskapet og delar av Folgefonna.
Tur frå Husnes til Mjelkhaug med fantastisk utsikt. Her ligg og Mjelkhaugsteinen - ein enorm stein som har vore nytta som seglingsmerke i alle tider.
Sentrumsnær utsiktstur i Rosendal.
Turen langs Blåelva er ei vandring i mektig fjell- og vassdragsnatur. Gjennom irrgrøne beiteområde, langs sandbankar og blankskurt berg, før vi etter kvart møter den majestetiske isveggen. Gjennom store breportar fløymer vatnet ut, til nytte for eit energikrevjande storsamfunn.
Spektakulær og krevjande tur - anten du vel å gå via luftige Geitadalstinden eller ikkje.
Tur til selet frå 1860 med flott utsikt mot fjord, øyar og hav.
