National Geographic har kåra Vestland til eitt av dei beste reisemåla i verda for 2027. Hardangerfjorden, Folgefonna og Trolltunga er blant høgdepunkta i guiden, og heile lista opnar med eit bilete frå Sundal i Hardanger.
Kvart år set National Geographic saman lista «Best of the World» med hjelp frå skribentar, fotografar og utforskarar over heile verda. Opningsbiletet for 2027 viser ein robåt på blankt vatn under bratte, grøne fjellsider. Det er teke i Sundal i Mauranger, ein sidearm av Hardangerfjorden – og i båten sit Caroline og Harald, vertskapet på Hotel Sundal.
Hotel Sundal er eit lite hotell frå 1889, nede ved kaia i Sundal, med elleve rom og kveldsmeny laga av råvarer frå små produsentar i nærleiken. Robåten høyrer heime her: Frå 1860-talet frakta folk i bygda is frå Bondhusbreen i robåt over Bondhusvatnet, og vidare med hest og kjerre ned Isvegen til kaia.
Hardangerfjorden strekkjer seg 179 kilometer inn i landet. I bildeteksten til opningsbiletet kallar National Geographic han den nest lengste fjorden i Noreg og den femte lengste i verda. Langs strendene har folk dyrka frukt, bygd trebåtar og spelt hardingfele i generasjonar.
I mai er fjordsidene kvite av fruktblomar, og om hausten står eple og saft til sals rett frå gardane.
Blomstring i Hardanger · Kultur i Hardanger · Fjordopplevingar i Hardanger
Over fjorden ligg Folgefonna, den sørlegaste og tredje største isbreen i Noreg. National Geographic trekkjer fram Folgefonna nasjonalpark i Vestland-guiden sin. Med stegjern og isøks går du mellom bresprekker og blå is saman med breførarar frå Folgefonni Breførarlag, frå juni til oktober. Om sommaren kan du også padla brekajakk mellom isflak heilt inn til brefoten.
Vil du forstå breen før du går på han, startar du på Folgefonnsenteret i Rosendal, besøkssenteret for nasjonalparken. Senteret ligg rett ved snøggbåtkaia og fortel om isbreen, vatnet si reise og livet i Hardangerfjorden.
Det grønblå brevatnet treng verken guide eller fjellerfaring. Frå parkeringa i Sundal går du 2,3 kilometer langs elva på den gamle Isvegen, slakt oppover heile vegen. Rekn om lag to timar tur–retur. Vegen går fint med barnevogn, og turen kan gåast nesten heile året. Bur du på Hotel Sundal, har du turen nesten utanfor døra. Ved vatnet står ein stein med namnetrekket til dronning Sonja – det var her ho opna Folgefonna nasjonalpark i 2005. Følg skiltinga på staden.
Om lag 700 meter over Ringedalsvatnet stikk Trolltunga ut i lufta – eit stupebrett for gudane, skriv National Geographic. Frå Skjeggedal er turen om lag 27 kilometer tur–retur og tek 10–12 timar. Det er ein krevjande fjelltur, så start tidleg og sjekk vêret før du går.
Med guide frå Trolltunga Active eller Trolltunga Adventures – begge nemnde i Vestland-guiden – kan du leggja turen til soloppgang eller solnedgang. Turen er heller ikkje berre for sommaren: Med guide kan du gå til Trolltunga også om hausten og vinteren. Vil du oppleva både solnedgangen og soloppgangen, kan du sova på fjellet.
Slik opplever du Trolltunga · Unike overnattingar i Hardanger · Frå Trolltunga til fjorden – to dagar i Hardanger
National Geographic plukka ut tre høgdepunkt, men Hardanger har fem kommunar og langt fleire. Sju forslag til deg som vil sjå meir:
Klar for Hardanger? Sjå opplevingar og overnatting og planlegg turen din i 2027.
National Geographic trekkjer fram Hardangerfjorden som den nest lengste fjorden i Noreg og den femte lengste i verda, Folgefonna nasjonalpark, og Trolltunga, som stikk ut 700 meter over Ringedalsvatnet. Trolltunga Active og Trolltunga Adventures er nemnde som guidar.
Biletet er teke i Sundal i Mauranger, ein sidearm av Hardangerfjorden i Kvinnherad. I robåten sit vertskapet på Hotel Sundal.
Frå Skjeggedal er turen om lag 27 kilometer tur–retur og tek 8–12 timar. Turen er krevjande og bør startast tidleg på dagen.
Ta Skyss-buss 930 frå Bergen til Odda, om lag tre timar. Derifrå er det om lag 20 minutt til Skjeggedal, og i sesongen går det shuttlebuss.
Nei. Breen har sprekker og skal berre gåast med breførar, til dømes Folgefonni Breførarlag. Bondhusvatnet i Sundal er ein lett tur utan guide, med utsikt mot breen.
Mai gjev fruktblomstring og fossar i full kraft. Sommaren er sesongen for breturar, padling og Trolltunga, og hausten for innhausting og roleg fjordliv. Om vinteren ventar snødekte fjell og djup snø i Røldal Skisenter, eit av dei mest snøsikre skianlegga i Noreg – og med guide kan du gå til Trolltunga også denne årstida.
National Geographic har teke Vestland med blant 25 reisemål på seks kontinent i «Best of the World 2027», publisert 20. oktober 2026.
Vestland er det første reisemålet på lista. Opningsbiletet er teke i Sundal i Mauranger, og i robåten sit vertskapet på Hotel Sundal.
Frå Hardanger trekkjer guiden fram Hardangerfjorden, Folgefonna nasjonalpark og Trolltunga.
Trolltunga Active og Trolltunga Adventures er nemnde som guidar til Trolltunga.
Bu mellom fjord og fonn på historiske Hotel Sundal i Kvinnherad. Nyt lokalmat, lyden av naturen og nærleik til Hardanger sine mest ynda turmål - som Bondhusvatnet, Folgefonna og Trolltunga.
Folgefonnsenteret er tilknytt Folgefonna Nasjonalpark og inneheld moderne, interaktive utstillingar med tema som geologi, klima, vatnet sin syklus og livet i Hardangerfjorden. Folgefonnsenteret er lett tilgjengeleg med ekspressbåt frå Bergen.
Utforsk Folgefonna nasjonalpark med varierte aktivitetar: Bli med på bretur på Juklavassbreen eller prøv breklatring mellom Botnabreen og Jordalsbreen. Nyt kajakkpadling på fjorden eller kombiner det med breopplevingar.
Folgefonna nasjonalpark vart etablert i 2005 og er ein av 42 nasjonalparkar i Noreg. Kjernen i nasjonalparken er isbreen Folgefonna som er den sørlegaste og tredje største isbreen i landet. I og rundt nasjonalparken e...
Bondhusvatnet nær Sundal i Kvinnherad kommune er eit ynda turmål og turen til brevatnet er blant dei mest populære fotturane i Hardanger regionen. Turen er lett og kort, og du kan gå den nærmast heile året.
Trolltunga er den mest spektakulære fjellformasjonen i Noreg. Den ligg 1180 moh, om lag 700 meter over Ringedalsvatnet. Her er det fantastisk og luftig utsikt. Turen til Trolltunga startar i Skjeggedal og går i høgfjellet.
Opplev ein av dei mest spektakulære fjellformasjonane i verda saman med Trolltunga Active. Aktivitetsselskapet og dei spesialutdanna guidane deira tilbyd eit tosifra antall spanande aktivitetar på og rundt Trolltunga – heile året.
Opplev Trolltunga om vinteren på ein guida tur med Trolltunga Adventures frå mars til mai!
Opplev Vøringsfossen - den mest kjende i heile Noreg!
H.M. Dronning Sonjas panoramatur, betre kjent som Dronningstien i Hardanger, er blant dei mest populære turane i Noreg. Med nydeleg utsikt langs heile vegen, er det lett å forstå kvifor dette er blant favoritturane til H.M. Dronning Sonja.
Utforsk dei majestetiske Husedalsfossane på ein 3-6 timars tur frå Kinsarvik til Hardangervidda. Stien er godt merka og tilbyr spektakulær natur og varierte ruter.
Gå tørrskodd bak ein av Noregs mest populære fossar. Steinsdalsfossen ligg lett tilgjengeleg og rett ved vegen nært Norheimsund.
Frukt- og siderruta i Ulvik forbinder fruktgardane Ulvik Frukt & Cideri, Syse Gard og Hardanger Saft- og Siderfabrikk. Dette er ei lett spasertur frå Ulvik sentrum, og du kan vitja gardane som ligg langs ruta. I tillegg til omvisingar med smaksprøvar, har gardane har utsal av produkta sine - inkludert sider.
Baroniet Rosendal er det einaste baroniet i Noreg og Skandinavias minste slott. Baroniet ligg sentralt i Rosendal og er kjent for sitt rike kulturprogram og sin rosehage.
Stå på ski i Hardanger. Røldal Skisenter, blant dei mest snøsikre skianleggene i Norge, er perfekt for både nybyrjarar og erfarne skikøyrarar.
Hardangerfjordekspressen tek deg med frå Bergen til Rosendal, der du kan besøke Baroniet med sin storslåtte rosehage, verdas største kunstinstallasjon Salmon Eye, få med deg interaktive utstillingar på Folgefonnsenteret, og mange fleire fantastiske opplevingar!
